അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബിഗ് ബോസ് മലയാളം സീസണ്‍ 5 ലെ മത്സരാര്‍ഥികളില്‍ ഒരാള്‍ ആയിരുന്നു ഏയ്ഞ്ചലിന്‍ മരിയ. കഴിഞ്ഞ ദിവസം തന്റെ ബ്രേക്കപ്പിനെ കുറിച്ച് സംസാരിക്കുന്ന ഏഞ്ചലിന്റെ വീഡിയോ ശ്രദ്ധിക്കപ്പെട്ടിരുന്നു. തുടര്‍ന്ന് സ്വന്തം വീട്ടില്‍ വെച്ച് പിതാവുമായി ഉണ്ടായ വഴക്കും ഇന്‍സ്റ്റഗ്രാം ലൈവിലൂടെ ഏഞ്ചലില്‍ കാണിച്ചിരുന്നു. ഇപ്പോഴിതാ ഒരു യൂട്യൂബ് ചാനലിനു നല്‍കിയ അഭിമുഖത്തില്‍ പ്രണയം തകര്‍ന്നതിനെക്കുറിച്ച് തുറന്ന് സംസാരിക്കുകയാണ് ഏയ്ഞ്ചലിന്‍.
ഏയ്ഞ്ചലിന്റെ വാക്കുകള്‍……
”2021 ലാണ് ഞാനും അവനും പരിചയപ്പടുന്നത്. ആ സമയത്ത് അവന്റെ ഡിവോഴ്‌സ് കേസിന്റെ കാര്യങ്ങള്‍ നടന്ന് കൊണ്ടിരിക്കുകയായിരുന്നു. എനിക്ക് പുള്ളിയുമായി പേഴ്‌സണലി കണക്ഷനായി. പിന്നെ ഒരു വര്‍ഷമൊക്കെ കഴിഞ്ഞപ്പോള്‍ എനിക്ക് ഇഷ്ടം തോന്നിത്തുടങ്ങി. ഡിവോഴ്‌സ് സമയത്ത് അവന് ഡിപ്രഷന്‍ പോലെയായിരുന്നു. 2023 ലാണ് ഞാന്‍ ഇഷ്ടം തുറന്നു പറയുന്നത്. പിന്നീട് ഞങ്ങള്‍ ലിവ് ഇന്‍ റിലേഷനിലായി. ബിഗ് ബോസില്‍ ഞാന്‍ ശുപ്പൂട്ടന്‍ എന്ന് പറഞ്ഞിരുന്നത് അവനെക്കുറിച്ചാണ്. അവനെ സ്‌നേഹിച്ചതു പോലെ ഞാന്‍ എന്നെ സ്‌നേഹിച്ചിരുന്നില്ല”.
”അവന്റെ വീട്ടിലുണ്ടായ വഴക്കിനിടെ അവിടെയുണ്ടായിരുന്ന പൂച്ചട്ടി ഞാന്‍ എറിഞ്ഞ് പൊട്ടിച്ചു. രണ്ട് മാസം കഴിഞ്ഞ് അവന്റെ മമ്മി ആത്മഹത്യ ചെയ്തു. സാമ്പത്തിക പ്രശ്‌നമായിരുന്നു കാരണം. ഞാന്‍ വീട്ടില്‍ ചെന്ന് പ്രശ്‌നമുണ്ടാക്കിയതാണ് കാരണമെന്ന് ചിലര്‍ പറഞ്ഞു. എന്നാല്‍, നീ കാരണമല്ല അമ്മയ്ക്ക് സാമ്പത്തിക പ്രശ്‌നമുണ്ടായിരുന്നെന്ന് അവന് എന്നോട് പറഞ്ഞു. പിന്നീട് ഞങ്ങള്‍ക്കിടയിലുണ്ടായ പ്രശ്‌നങ്ങളെത്തുടര്‍ന്ന് ബന്ധം പിരിഞ്ഞു”.
