അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ദാദാസാഹിബ് ഫാല്‍ക്കെ പുരസ്‌കാരം മോഹൻലാൽ നേടിയതിൽ ആദ്യമായി പ്രതികരിച്ച് ഭാര്യ സുചിത്ര. നേട്ടത്തില്‍ സന്തോഷമെന്നും പുരസ്‌കാരം ഏറ്റുവാങ്ങുന്നതിന് സാക്ഷിയാകാന്‍ സാധിച്ചതില്‍ സന്തോഷവും അഭിമാനവും തോന്നുന്നുവെന്നും അവർ പറഞ്ഞു. മാധ്യമങ്ങളോട് പ്രതികരിക്കവെയാണ് ഇക്കാര്യം പറഞ്ഞത്.
സുചിത്ര പറയുന്നു;
സന്തോഷവും അഭിമാനവും തോന്നിയ നിമിഷം. എല്ലാവരും കയ്യടിച്ചത് പോലെ ഞാനും നിന്ന് കയ്യടിച്ചു. സിനിമ കുടുംബത്തിന് മാത്രമല്ല കേരളത്തിനുള്ള നേട്ടമാണിത്. കേരളത്തിന് അഭിമാനിക്കാനുള്ള നിമിഷമാണ്.
നമ്മളെ കുറേക്കൂടി വിനയാന്വിതരാക്കുന്നു. ദൈവത്തിന് നന്ദി. ചേട്ടന്‍ എന്നും ഈ നിമിഷത്തിലാണ് ജീവിക്കുന്നത്. കഴിഞ്ഞതും ഓര്‍ക്കാറില്ല. വരുന്നതിനെക്കുറിച്ചും ചിന്തിക്കാറില്ല. ഒരുപാട് അനുഗ്രഹിക്കപ്പെട്ടവളാണെന്ന് തോന്നുന്നു. ഒരുപാട് സന്തോഷം. സിനിമയില്‍ വന്നിട്ട് അമ്പത് വര്‍ഷത്തിലേക്ക് അടുക്കുകയാണ് അദ്ദേഹം.
അതില്‍ 35 വര്‍ഷവും കൂടെ ഉണ്ടായിരിക്കാന്‍ സാധിച്ചതില്‍ സന്തോഷവതിയാണ്. എന്റെ കുടുംബം മാത്രമല്ല കേരളം മുഴുവന്‍ ഈ നേട്ടം ആഘോഷിക്കുകയാണ്.
content highlight: Suchithra Mohanlal
