അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തെന്നിന്ത്യന്‍ താരം ധനുഷ് തിരക്കഥയെഴുതി സംവിധാനം ചെയ്യുന്ന ചിത്രമാണ് ഇഡ്ലി കടൈ. ധനുഷ് തന്നെയാണ് ചിത്രത്തില്‍ പ്രധാന വേഷത്തില്‍ എത്തുന്നതും. ഒരു ഫാമിലി ഡ്രാമ സ്വഭാവത്തില്‍ പുറത്തിറങ്ങുന്ന സിനിമയില്‍ നിത്യ മേനനും രാജ്കിരണും പ്രധാന വേഷങ്ങളില്‍ എത്തുന്നുണ്ട്. സിനിമയുടെ ട്രെയ്ലര്‍ കഴിഞ്ഞ ദിവസം പുറത്തുവന്നിരുന്നു. 2 മിനിറ്റ് 22 സെക്കന്റ് ഉള്ള ട്രെയിലറിന് വമ്പിച്ച പ്രതികരണമാണ് ലഭിക്കുന്നത്.
ഒക്ടോബര്‍ 1 ന് ഇഡലി കടൈ വേള്‍ഡ് വൈഡ് റിലീസ് ചെയ്യും. തമിഴ് നാട്ടിലെ ഒരു ഗ്രാമത്തിലെ ഒരു ഇഡലി കടയും ഒരു കുടുംബത്തിന് ആ കടയോടുള്ള സെന്റിമെന്റ്‌സും ഒക്കെ ചേര്‍ന്നതാണ് ഈ സിനിമയുടെ പ്രമേയം. ധനുഷിനെയും നിത്യാമേനോനെയും കൂടാതെ സത്യാ രാജ്,സമുദ്രക്കനി,പാര്‍ഥിപന്‍ ,അരുണ്‍ വിജയ്,ശാലിനി പാണ്ഡെ ,രാജ് കിരണ്‍ ,ഗീത കൈലാസം,തുടങ്ങിയ വമ്പന്‍ താരനിര തന്നെ ഇഡലി കടൈ യില്‍ ഒന്നിക്കുന്നു.
ഡോണ്‍ പിക്ച്ചേഴ്സിന്റെയും വണ്ടര്‍ബാര്‍ ഫിലിമ്‌സിന്റേയും ബാനറില്‍ ആകാശ് ഭാസ്‌കരനും ധനുഷും ചേര്‍ന്നാണ് ഇഡലി കടൈ നിര്‍മിച്ചിരിക്കുന്നത്.പ്രശസ്ത സംഗീത സംവിധായകന്‍ ജി വി പ്രകാശ് കുമാറാണ് സംഗീത സംവിധായകന്‍ .
ധനുഷ്,ശ്വേതാ മോഹന്‍ ,റാപ്പര്‍ അരിവാരസു ,ആന്റണി ദാസന്‍ എന്നിവര്‍ പാടിയിരിക്കുന്ന ഗാനങ്ങള്‍ ഇപ്പോള്‍ തന്നെ ഹിറ്റ് ചാര്‍ട്ടില്‍ ഇടം നേടിയിട്ടുണ്ട്.
കിരണ്‍ കൗശിക് ക്യാമറയും,ജി കെ പ്രസന്ന എഡിറ്റിംഗും നിര്‍വഹിച്ചിരിക്കുന്നു.തലൈവന്‍ തലൈവിക്കും കൂലിക്കും ശേഷം ഒങ അസോസിയേറ്റ്‌സ് ആണ് ഇഡലി കടൈ കേരളത്തില്‍ പ്രദര്‍ശനത്തിന് എത്തിക്കുന്നത്. മാര്‍ക്കറ്റിംഗ് ശിവകുമാര്‍ രാഘവ്.ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍.
