അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.യുഎഇ നിവാസികൾക്ക് ഇനി ഔദ്യോഗികമായി ഒരു പൊതു അവധി മാത്രമാണ് അവശേഷിക്കുന്നത്. യുഎഇ മന്ത്രിസഭ പുറത്തുവിട്ട 2025ലെ അവധിക്കാല പട്ടിക പ്രകാരം അവസാനത്തേതുമായ പൊതു അവധി ഡിസംബറിൽ യുഎഇ ദേശീയ ദിനത്തിനാണ് ഇനി ലഭിക്കുക. സാധാരണയായി ഈ അവധി ഡിസംബർ 2, 3 തീയതികളിലാണ് വരുന്നത്. ഈ ദിവസങ്ങൾ ചൊവ്വയും ബുധനും ആയതിനാൽ യുഎഇ നിവാസികൾക്ക് സന്തോഷ വാർത്തയുണ്ട്.
യുഎഇ സർക്കാർ ഡിസംബർ ഒന്നോടു കൂടി അധിക അവധിയായി ഔദ്യോഗികമായി പ്രഖ്യാപിക്കുകയാണെങ്കിൽ നവംബർ 28 വെള്ളിയാഴ്ച മുതൽ ഡിസംബർ 3 ബുധനാഴ്ച വരെ നീളുന്ന ഒരു നീണ്ട വാരാന്ത്യം ലഭിക്കും. എന്നിരുന്നാലും കൃത്യമായ അവധി വിവരങ്ങൾ അവധി തീയതിയോട് അനുബന്ധിച്ച് മാത്രമേ യുഎഇ മന്ത്രിസഭ ഔദ്യോഗികമായി പ്രഖ്യാപിക്കുകയുള്ളൂ.
STORY HIGHLIGHT: uae national day
