അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പ്രേക്ഷകര്‍ ഏറെ പ്രകീക്ഷയോടെ കാത്തിരിക്കുന്ന സിനിമയാണ് കാന്താര ചാപ്റ്റര്‍ 1 . സിനിമയുടെ ട്രെയ്ലര്‍ കഴിഞ്ഞ ദിവസം പുറത്തുവന്നിരുന്നു. വമ്പന്‍ കാന്‍വാസില്‍ ഒരു വിഷ്വല്‍ വിസ്മയം തന്നെയാകും സിനിമ എന്ന സൂചനയാണ് ട്രെയ്ലര്‍ നല്‍കുന്നത്. ഇപ്പോഴിതാ സിനിമയുടെ കേരളത്തിലെ അഡ്വാന്‍സ് ബുക്കിംഗ് റിപ്പോര്‍ട്ട് പുറത്തുവരുകയാണ്.
ചിത്രത്തിന്റെ കേരളത്തില്‍ ബുക്കിംഗ് നാളെ ഉച്ചക്ക് 12.30 ന് ആരംഭിക്കും. വമ്പന്‍ ബുക്കിംഗ് തന്നെ സിനിമയ്ക്ക് കേരളത്തില്‍ ലഭിക്കുമെന്നും ആദ്യ ദിനം വലിയ ഓപ്പണിങ് ലഭിക്കുമെന്നുമാണ് കണക്കുകൂട്ടല്‍. മലയാളികളുടെ പ്രിയതാരം ജയറാമും സിനിമയില്‍ ഒരു പ്രധാന വേഷത്തില്‍ എത്തുന്നുണ്ട്. റിഷഭ് ഷെട്ടി സംവിധാനം ചെയ്തു നായകനായി എത്തുന്ന സിനിമ വലിയ ബജറ്റില്‍ ഒരുങ്ങുന്നതിനാല്‍ പ്രതീക്ഷകള്‍ വാനോളമാണ്.
ചിത്രം ഐമാക്‌സ് സ്‌ക്രീനുകളിലും പുറത്തിറങ്ങുമെന്നാണ് നിര്‍മാതാക്കള്‍ അറിയിച്ചിരിക്കുന്നത്. ഇതോടെ വലിയ കളക്ഷന്‍ സിനിമയ്ക്ക് നേടാനാകും എന്ന് തന്നെയാണ് അണിയറപ്രവര്‍ത്തകരുടെ പ്രതീക്ഷ. ചിത്രം ഒക്ടോബര്‍ രണ്ടിന് തിയേറ്ററുകളില്‍ എത്തും. കന്നഡ, മലയാളം, തമിഴ്, തെലുങ്ക്, ഹിന്ദി ഭാഷകളിലാണ് സിനിമ പുറത്തിറങ്ങുന്നത്.
The saga of the #LEGEND begins 🔥#KantaraChapter1 Advance Bookings Open TOMORROW from 12:30 PM across Kerala.
In Cinemas #KantaraChapter1onOct2 🔥#Kantara @hombalefilms @KantaraFilm @shetty_rishab @VKiragandur @ChaluveG @rukminitweets @gulshandevaiah #ArvindKashyap… pic.twitter.com/TFTBnYf0DW
— Hombale Films (@hombalefilms) September 27, 2025
2022 ല്‍ റിഷഭ് ഷെട്ടിയുടെ സംവിധാനത്തില്‍ റിലീസ് ചെയ്ത് വന്‍ വിജയം നേടിയ കന്നഡ ചിത്രമാണ് കാന്താര. കന്നഡയില്‍ ഇറങ്ങിയ ചിത്രം പിന്നീട് മികച്ച അഭിപ്രായം നേടിയതിനെ തുടര്‍ന്ന് വിവിധ ഭാഷകളിലേക്ക് മൊഴിമാറ്റി എത്തുകയായിരുന്നു. ചിത്രത്തിലെ അഭിനയത്തിന് മികച്ച നടനുള്ള ദേശീയ പുരസ്‌കാരവും റിഷഭിനെ തേടിയെത്തിയിരുന്നു. പൃഥ്വിരാജ് പ്രൊഡക്ഷന്‍സ് ആണ് സിനിമ കേരളത്തില്‍ എത്തിക്കുന്നത്.
കെജിഎഫ്, കാന്താര, സലാര്‍ തുടങ്ങിയ ബ്ലോക്ക്ബസ്റ്ററുകള്‍ നിര്‍മിച്ച ഇന്ത്യയിലെ മുന്‍നിര പാന്‍-ഇന്ത്യ പ്രൊഡക്ഷന്‍ ഹൗസായ ഹോംബാലെ ഫിലിംസാണ് കാന്താര ചാപ്റ്റര്‍ 1-ന്റെയും നിര്‍മാതാക്കള്‍. ‘കാന്താര: എ ലെജന്‍ഡ് ചാപ്റ്റര്‍ വണ്‍’ എന്നാണ് പ്രീക്വലിന് നല്‍കിയിരിക്കുന്ന പേര്. 150 കോടി ബഡ്ജറ്റിലാണ് കാന്താര ചാപ്റ്റര്‍ 1 ഒരുങ്ങുന്നത്.
