അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വളരെ ചുരുങ്ങിയ സമയം കൊണ്ട് മലയാള സിനിയില്‍ ശ്രദ്ധ നേടിയ യുവ നടനാണ് ഷെയിന്‍ നിഗം. ഇപ്പോഴിതാ ഒരു പ്രേക്ഷകന്‍ എന്ന നിലയില്‍ താന്‍ ഏറ്റവും കൂടുതല്‍ കാത്തിരിക്കുന്നത് മധു സി നാരായണന്റെ സിനിമയ്ക്ക് വേണ്ടിയാണെന്ന് തുറന്ന് പറയുകയാണ് ഷെയിന്‍ നിഗം. പേളി മാണിക്ക് നല്‍കിയ അഭിമുഖത്തിലാണ് ഷെയിന്‍ നിഗത്തിന്റ പ്രതികരണം.
ഷെയിന്‍ നിഗത്തിന്റ വാക്കുകള്‍…….
‘ഒരു പ്രേക്ഷകന്‍ എന്ന നിലയില്‍ ഞാന്‍ ഏറ്റവും കൂടുതല്‍ കാത്തിരിക്കുന്നത് മധു ചേട്ടന്റെ പടത്തിന് വേണ്ടിയാണ്. മധു ചേട്ടന്‍ അങ്ങനെ ആരോടും സംസാരിക്കാറില്ല, അദ്ദേഹം വളരെ സ്വീറ്റ് വ്യക്തിയാണ് ഒരു പിന്നെ അവിടെ ശ്യാം ചേട്ടന്‍ ദിലീഷ് ചേട്ടന്‍ ഒക്കെ ഉണ്ടായിരുന്നു. ഒരുപാട് ഒച്ചയും ബഹളവുമില്ലാതെ തന്നെ നൈസ് ആയിട്ട് എങ്ങനെ സിനിമ ഷൂട്ട് ചെയ്യാമെന്ന് കണ്ട സെറ്റാണ് കുമ്പളങ്ങി നൈറ്റ്‌സ്. മധു ചേട്ടന്റെ ഒരു പടം വരുന്നുണ്ട്’.
അതേസമയം, ഷെയിന്‍ നിഗം നായകനായി എത്തിയ ‘ബള്‍ട്ടി’ തിയേറ്ററുകള്‍ മികച്ച സ്വീകാര്യത ലഭിച്ച് മുന്നേറുകയാണ്. ആദ്യ ദിനം മുതല്‍ ഗംഭീര പ്രതികരണം ലഭിച്ച ചിത്രത്തില്‍ ഒരു വലിയ താരനിര തന്നെയുണ്ട്. നവാഗതനായ ഉണ്ണി ശിവലിംഗം സംവിധാനം ചെയ്ത ചിത്രം പാലക്കാട് ജില്ലയില്‍ കേരള-തമിഴ്നാട് അതിര്‍ത്തിയോട് ചേര്‍ന്നു കിടക്കുന്ന ഒരു പ്രദേശത്തെ നാല് യുവാക്കളുടെ കഥ പറയുന്നു.
