അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സോഷ്യല്‍ മീഡിയയിലൂടെ മലയാളികള്‍ക്ക് സുപരിചിതരായ കുടുംബമാണ് നടന്‍ കൃഷ്ണകുമാറിന്റേത്. ബിസിനസും മോഡലിങ്ങും വ്‌ളോഗിങ്ങുമൊക്കെയായി സോഷ്യല്‍ ലോകത്ത് നിറഞ്ഞു നില്‍ക്കുകയാണ് ഭാര്യ സിന്ധു കൃഷ്ണകുമാറും മക്കളായ അഹാനയും ദിയയും ഇഷാനിയും ഹന്‍സികയും. അടുത്തിടെയാണ് ദിയ കൃഷ്ണക്ക് മകന്‍ പിറന്നത്. ഇപ്പോഴിതാ ദിയയുടെ കുഞ്ഞിന്റെ പുതിയ വിശേഷങ്ങളുമായി എത്തിയിരിക്കുകയാണ് സിന്ധു കൃഷ്ണ. പുതിയ വ്‌ളോഗിലൂടെ ആയിരുന്നു സിന്ധു കൃഷ്ണയുടെ പ്രതികരണം.
സിന്ധു കൃഷ്ണയുടെ വാക്കുകള്‍…….
”എപ്പോഴും ഓമിക്കൊപ്പം ആയിരിക്കാനാണ് ഓസിക്ക് (ദിയ കൃഷ്ണ) ഇഷ്ടം. ഓസി അത് നന്നായി ആസ്വദിക്കുന്നുണ്ട്. ഓസിയുടെ കരുതല്‍ കാണുന്നതില്‍ എനിക്ക് വളരെ സന്തോഷമുണ്ട്. അമ്മു (അഹാന) ജനിച്ചപ്പോള്‍ ഞാനും അങ്ങനെ തന്നെയായിരുന്നു. അമ്മു എപ്പോഴും എന്റെ കൂടെ തന്നെയായിരിക്കണം എന്നായിരുന്നു. ഞാന്‍ വളരെ പൊസസീവുമായിരുന്നു. നമ്മളോട് കുട്ടിക്ക് തോന്നുന്ന ഒരു അറ്റാച്ച്‌മെന്റുണ്ടല്ലോ, അത് ആദ്യമായി അനുഭവിക്കുമ്പോള്‍ വല്ലാത്തൊരു ഫീല്‍ ആണ്. എപ്പോഴും കുഞ്ഞിനെ കൈയിലെടുക്കാന്‍ തോന്നും.
ഓസിയും ഇപ്പോള്‍ അത് എക്‌സ്പീരിയന്‍സ് ചെയ്തുകൊണ്ടിരിക്കുകയാണ്. വേറൊന്നും ചിന്തിക്കാതെ എപ്പോഴും കുഞ്ഞിനൊപ്പമാണ് ഓസി. അവര്‍ തമ്മിലുള്ള ബോണ്ട് സ്‌ട്രോങ്ങ് ആകുന്ന സമയമാണ്. കുഞ്ഞിന് സുഖമില്ലാതെ കുറച്ചുനാള്‍ കിടന്നത് കൊണ്ട് ഇപ്പോള്‍ അധികം ശ്രദ്ധ വേണം.
രണ്ടാമത്തെയും മൂന്നാമത്തെയും നാലാമത്തെയും കുഞ്ഞാകുമ്പോള്‍ ആദ്യം തോന്നിയ അത്രയും തോന്നില്ല. മാത്രവുമല്ല അത്രത്തോളം നമുക്ക് പറ്റില്ല. ഓസി ജനിച്ചപ്പോള്‍ അമ്മുവുണ്ട്. എനിക്ക് അമ്മുവിന്റെ കാര്യങ്ങളും നോക്കണം. ഇഷാനി ജനിച്ചപ്പോളേക്കും അമ്മുവിന്റെയും ഓസിയുടെയും കാര്യങ്ങള്‍ നോക്കണം. മൂത്ത കുട്ടിയാകുമ്പോള്‍ നമ്മളും കുഞ്ഞും മാത്രമുള്ള ലോകമാണ്”.
