അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സിനിമ-സോഷ്യൽ മീഡിയ രംഗത്തെ യുവ ഇൻഫ്ലുവൻസറായ ദിയ കൃഷ്ണ, തൻ്റെ പങ്കാളി അശ്വിൻ്റെ വീട്ടിലെ ഭക്ഷണരീതികളെക്കുറിച്ച് തുറന്നു പറഞ്ഞ വാക്കുകൾ ശ്രദ്ധ നേടുന്നു. പരമ്പരാഗത രീതികൾക്ക് പ്രാധാന്യം നൽകുന്ന അശ്വിൻ്റെ വീട്ടിൽ തനിക്ക് നേരിടേണ്ടി വരുന്ന പ്രായോഗിക ബുദ്ധിമുട്ടാണ് ദിയ പങ്കുവെച്ചത്.
“അശ്വിന്റെ വീട്ടിൽ ചെല്ലുമ്പോൾ താഴെ ഇരുന്നു ഫുഡ്‌ കഴിക്കാൻ എനിക്ക് ബുദ്ധിമുട്ട് ആണ്, അവർ എല്ലാവരും അങ്ങനെയാണ്,” ദിയ പറഞ്ഞു.
അശ്വിൻ്റെ കുടുംബം ഇപ്പോഴും പഴയ സ്റ്റൈലിൽ ആണ് ഭക്ഷണം കഴിക്കുന്നത്. “തറയിൽ ഇരുന്നു ചമ്രം പൂട്ടി,” ദിയ വിശദീകരിച്ചു. ഈ രീതിയുടെ ആരോഗ്യപരമായ പ്രാധാന്യം തനിക്ക് അറിയാമെന്നും, “അത് സത്യത്തിൽ ബോഡിക്ക് ഭയങ്കര നല്ലതാണ് എന്നും എനിക്ക് അറിയാം. എൻ്റെ അച്ഛൻ പോലും പറയും ആഹ് തറയിൽ ഇരുന്നു കഴിക്കാൻ,” എന്നും അവർ കൂട്ടിച്ചേർത്തു.
എങ്കിലും, സ്വന്തം ശാരീരിക ബുദ്ധിമുട്ടുകൾ ഈ പാരമ്പര്യത്തെ പിന്തുടരുന്നതിന് തടസ്സമാകുന്നു. “ഇപ്പോഴത്തെ നടു വേദനയും വെച്ച് ഇരുന്നു കൊടുത്താലും മതി. പിന്നെ ഞാൻ എഴുന്നേൽക്കില്ല,” എന്ന പ്രയോഗത്തിലൂടെ ദിയ തൻ്റെ ബുദ്ധിമുട്ട് വ്യക്തമാക്കുന്നു.
താഴെ ഇരിക്കുന്നത് ശീലിക്കാത്തതുകൊണ്ടാണ് ഈ പ്രശ്നം വരുന്നതെന്നും ദിയ പറയുന്നു. “അപ്പോൾ ഞാൻ ഇവൻ്റെ വീട്ടിൽ പോകുമ്പോൾ ഞാൻ പറയും അങ്കിൾ എനിക്ക് ഒരു കസേര തരുമോ, എനിക്ക് തറയിൽ ഇരുന്നു കഴിക്കാൻ പറ്റില്ല എന്ന്.”
താൻ കസേരയിൽ ഇരിക്കുമ്പോഴും, അശ്വിൻ തറയിലെ സൗകര്യമാണ് തിരഞ്ഞെടുക്കുന്നത് എന്ന രസകരമായ കാര്യവും ദിയ പങ്കുവെച്ചു. “ഇവൻ ആണെങ്കിൽ സോഫയുടെ താഴെ ഇരുന്നാണ് കഴിക്കുന്നത്. ഞാൻ സോഫയിൽ ഇരുന്നാൽ പോലും ഇവൻ സോഫയിൽ ഇരിക്കില്ല പലപ്പോഴും.”
ആരോഗ്യപരമായ വെല്ലുവിളികൾ കാരണം, തൻ്റെ പങ്കാളിയുടെ വീട്ടിലെ പാരമ്പര്യ രീതി പിന്തുടരാൻ കഴിയാത്തതിലുള്ള അവസ്ഥയാണ് ദിയ കൃഷ്ണ തൻ്റെ വാക്കുകളിലൂടെ പ്രേക്ഷകരുമായി പങ്കുവെച്ചത്.
