അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രാഹുൽ ഗാന്ധിക്കെതിരെ വധഭീഷണി മുഴക്കിയതുമായി ബന്ധപ്പെട്ട കേസില്‍ ബിജെപി നേതാവ് പ്രിന്റു മഹാദേവ് പേരാമംഗലം പൊലീസ് സ്റ്റേഷനിൽ ഹാജരായി.
ബിജെപി പ്രവർത്തകർക്കൊപ്പമാണ് പ്രിന്റു സ്റ്റേഷനിൽ എത്തിയത്. രാഹുൽ ഗാന്ധിക്കെതിരെ കൊലവിളി നടത്തി എന്ന പരാതിയിൽ കഴിഞ്ഞ ദിവസം പേരാമംഗലം പൊലീസ് പ്രിന്റു മഹാദേവിനെതിരെ കേസെടുത്തിരുന്നു. പ്രിന്റുവിനെ കണ്ടെത്താൻ ബിജെപി നേതാക്കളുടെ വീട്ടിൽ പൊലീസ് റെയ്ഡ് നടത്തിയിരുന്നു.
താൻ അഹിംസ വാദിയെന്ന് പ്രിന്റു പ്രതികരിച്ചു.ഇന്നുവരെ ആരെയും ഉപദ്രവിച്ചിട്ടില്ല. തന്റെ വാക്കുകൾ വളച്ചൊടിച്ചു. വ്യാജ പ്രചരണം നടന്നു. ബോധപൂർവ്വം ചർച്ച നടത്തിയ അവതാരക തന്നെ തേജോവധം ചെയ്തു. പൊലീസ് തന്റെ വീട്ടിൽ കയറി നരവേട്ട നടത്തി. രാജ്യത്തെ സംബന്ധിച്ച വിഷയത്തിൽ എന്റെ പ്രതികരണം വൈകാരികമാണെന്നും അദ്ദേഹം പറഞ്ഞു.
