അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാളത്തിന്റെ മഹാനടൻ മമ്മൂട്ടി ഏഴ് മാസത്തോളം നീണ്ട ഇടവേളയ്ക്ക് ശേഷം വീണ്ടും അഭിനയത്തിലേക്ക്. മഹേഷ് നാരായണൻ സംവിധാനം ചെയ്യുന്ന വമ്പൻ മൾട്ടിസ്റ്റാർ ചിത്രത്തിന്റെ ഹൈദരാബാദ് ഷെഡ്യൂളിൽ മമ്മൂട്ടി ഇന്ന് ജോയിൻ ചെയ്തു. മലയാള സിനിമ ചരിത്രത്തിലെ ഏറ്റവും വലിയ പ്രൊജക്റ്റുകളിൽ ഒന്നായാണ് ഈ ചിത്രം ഒരുങ്ങുന്നത്.
ഈ ബഹുഭാരാതാര ചിത്രത്തിൽ മമ്മൂട്ടി, മോഹൻലാൽ, ഫഹദ് ഫാസിൽ, കുഞ്ചാക്കോ ബോബൻ, നയൻ‌താര, രേവതി എന്നിവരാണ് പ്രധാന വേഷങ്ങളിലെത്തുന്നത്. ജിനു ജോസഫ്, രാജീവ് മേനോന്‍, ദർശന രാജേന്ദ്രൻ, പ്രകാശ് ബെലവാടി തുടങ്ങിയ വലിയൊരു താരനിരയും ചിത്രത്തിലുണ്ട്.
ഏറെ ആകാംഷയോടെ കാത്തിരിക്കുന്ന ഈ ചിത്രത്തിന്റെ ടീസർ നാളെ ഉച്ചയ്ക്ക് 12 മണിക്ക് പുറത്തിറങ്ങും. ശ്രീലങ്ക, അസർബൈജാൻ, ഡൽഹി, ഷാർജ, കൊച്ചി, ലഡാക്ക് തുടങ്ങി വിവിധ സ്ഥലങ്ങളിലായി ഇതിനോടകം തന്നെ ചിത്രത്തിന്റെ മുൻ ഷെഡ്യൂളുകൾ പൂർത്തിയാക്കിയിരുന്നു.
നിർമ്മാണം: ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് (ആന്റോ ജോസഫ്, കെ ജി അനിൽകുമാർ).
സഹ നിർമ്മാണം: സി ആർ സലിം പ്രൊഡക്ഷൻസ്, ബ്ലൂ ടൈഗേഴ്സ് ലണ്ടൻ (സി.ആര്‍.സലിം, സുഭാഷ് ജോര്‍ജ് മാനുവല്‍).
കഥ, തിരക്കഥ, എഡിറ്റിംഗ്: മഹേഷ് നാരായണൻ (എഡിറ്റിംഗ് രാഹുൽ രാധാകൃഷ്ണനൊപ്പം).
സാങ്കേതിക വിദഗ്ധർ: ഛായാഗ്രഹണം – മനുഷ് നന്ദൻ, സംഗീതം – സുഷിൻ ശ്യാം, ഓഡിയോഗ്രാഫി – വിഷ്ണു ഗോവിന്ദ്, സംഘട്ടനം – ദിലീപ് സുബ്ബരായൻ, സ്റ്റണ്ട് സിൽവ, മാഫിയ ശശി, റിയാസ് ഹബീബ്.
വിതരണം: ആന്‍ മെഗാ മീഡിയ ചിത്രം അടുത്ത വിഷുവിന് തിയേറ്ററുകളിലെത്തിക്കും. ട്രൂത്ത് ഗ്ലോബൽ ഫിലിംസ് ആണ് ചിത്രത്തിൻ്റെ ഓവർസീസ് പാർട്ണർ.
