അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.എയ്ഡഡ് വിദ്യാഭ്യാസ സ്ഥാപനങ്ങളിലെ ഭിന്നശേഷി സംവരണത്തിൽ വിദ്യാഭ്യാസ മന്ത്രിക്കെതിരെ രൂക്ഷവിമർശനവുമായി കെസിബിസിയും സീറോ മലബാര് സഭയും. എൻഎസ്എസിനും ക്രിസ്ത്യൻ മാനേജ്മെന്റുകൾക്കും രണ്ട് നീതിയാണെന്നും സർക്കാർ ക്രിസ്ത്യൻ മാനേജ്മെന്റുകളെയും അധ്യാപകരെയും ദ്രോഹിക്കുകയാണെന്നും സഭാവക്താവ് ടോം ഓലിക്കരോട്ട്. ഇടതുപക്ഷ ഭരണത്തില് തൊഴിലാളികള്ക്ക് ശമ്പളമില്ല എന്ന് പറയുന്നത് അപമാനകരമാണ്. ഇത് ഗവണ്മെന്റിന്റെ കഴിവുകേടാണെന്ന് കെസിബിസി എജ്യൂക്കേഷന് കമ്മീഷന് സെക്രട്ടറി ഫാദര് ആന്റണി അറക്കല് പറഞ്ഞു.
ആര് ആരെയാണ് ഭീഷണിപ്പെടുത്തിയത്. അഞ്ച് വര്ഷമായി ജോലി ചെയ്തിട്ട് സാലറി ഇല്ലാതെ നില്ക്കുന്ന അധ്യാപകര് അവരുടെ വിഷമം പറയുക മാത്രമാണ്. അല്ലാതെ ഇത് സഭയുടെ രാഷ്ട്രീയ പ്രേരിതമായ കാര്യമല്ല. ഇപ്പോള് നടക്കുന്നത് ഇടതുപക്ഷ ഭരണമാണ്. ഇടതുപക്ഷ ഭരണത്തില് തൊഴിലാളികള്ക്ക് വേതനം ഇല്ല എന്ന് പറയുന്നത് അവര്ക്ക് അപമാനകരമാണ്. സുപ്രീംകോടതിയില് നിന്നൊരു വിധി വന്നതിനുശേഷവും ഗവണ്മെന്റിന് കൃത്യമായിട്ട് പദ്ധതിയില്ല എന്ന് പറയുന്നതും അപമാനകരമാണ്. ഇത് ഗവണ്മെന്റിന്റെ കഴിവുകേട് – ഫാദര്. ആന്റണി അറക്കല് ട്വന്റിഫോറിനോട് പറഞ്ഞു.
ഇത് രാഷ്ട്രീയ പ്രേരിതമെന്ന് പറയുമ്പോള് സംഭവിക്കാന് പോകുന്നത് അവരും കൂടി അറിഞ്ഞിരിക്കണമെന്നും അദ്ദേഹം കൂട്ടിച്ചേര്ത്തു. ഇവരുടെ രാഷ്ട്രീയത്തില് നിന്ന് ക്രൈസ്തവര് മാറിനില്ക്കണം, ഇങ്ങനെയല്ലേ അവര് പറഞ്ഞു വരുന്നത്. ഇത് ഞങ്ങളല്ലാ അവര് തന്നെയാണ് പറയുന്നത്. എല്ലാവര്ക്കും അറിയുന്നത് അവര് മാത്രം അറിയുന്നില്ലയെന്നും ഫാദര് ആന്റണി വ്യക്തമാക്കി.
