അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കാനറാ ബാങ്കിൽ അപ്രൻറിസ് തസ്തികയിൽ അവസരം. 3500 അപ്രൻറിസ് ഒഴിവുകളാണ് നിലവിൽ റിപ്പോർട്ട് ചെയ്തിരിക്കുന്നത്. അതേസമയം റിപ്പോർട് ചെയ്തിരിക്കുന്നതിൽ 243 ഒഴിവുകൾ കേരളത്തിലാണ് ഉള്ളത്.
നാഷണൽ അപ്രന്റിസ് ട്രെയിനിങ് സ്‌കീം (NATS) മുഖേനയാണ് തെരഞ്ഞെടുപ്പ് നടത്തുന്നത്. താത്പര്യമുള്ള ഉദ്യോഗാർത്ഥികൾക്ക് www.nats.education.gov.in വഴി അപേക്ഷ സമർപ്പിക്കാം.
നാഷണൽ അപ്രന്റിസ് ട്രെയിനിങ് സ്‌കീമിൽ രജിസ്റ്റർ ചെയ്ത ഉദ്യോഗാർത്ഥികൾ കാനറാ ബാങ്കിന്റെ ഔദ്യോഗിക വെബ്സൈറ്റിൽ (www.canarabank.com) “Apprentice Recruitment 2025” എന്ന ലിങ്ക് വഴി അപേക്ഷ സമർപ്പിക്കേണ്ടതാണ്.
അതേസമയം നിയമനം ഒരു വർഷത്തേക്കാണ്. ഏതെങ്കിലും അംഗീകൃത സർവകലാശാലയിൽ നിന്ന് ബിരുദവും പ്രാദേശിക ഭാഷയിൽ പ്രാവീണ്യവുമാണ് യോഗ്യത. 20 വയസിനും 28 വയസിനും ഇടയിൽ ഉള്ളവർക്ക് അപേക്ഷ സമർപ്പിക്കാവുന്നതാണ്.
500 രൂപയാണ് അപേക്ഷ ഫീസ് വരുന്നത്. എസ്‌സി/എസ്ടി/ഭിന്നശേഷിക്കാർക്ക് ഫീസില്ല. അക്കാദമിക് മാർക്കുകളുടെ അടിസ്ഥാനത്തിൽ മെറിറ്റ് തയ്യാറാക്കിയാണ് നിയമനം നടത്തുക.
