അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മക്കളെ ഇഷ്ടമില്ലാത്ത അച്ഛന്മാരില്ല. എങ്കിലും പിതാക്കന്മാരെ സംബന്ധിച്ചിടത്തോളം പെൺമക്കളോടാണ് അമിത സ്നേഹം ഉള്ളത്. അതൊരു യാഥാർഥ്യവുമാണ്. എന്നാൽ കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ ഇത് സംബന്ധിച്ചുള്ള ചർച്ചകൾ സജീവമാണ്.
പണ്ഡിതനായ ചാണക്യൻ തന്റെ ചാണക്യനീതിയിൽ പറയുന്ന ചില കാര്യങ്ങളാണ് ഈ ചർച്ചകൾക്ക് ആധാരം. പെൺമക്കളുള്ള വ്യക്തികൾ ജീവിതത്തിൽ ഒഴിവാക്കേണ്ട ചില കാര്യങ്ങളാണ് പറയുന്നത്. ഈ കാര്യങ്ങൾ അനുസരിച്ചില്ലെങ്കിൽ ഭാവിയിൽ വലിയ ദുഃഖവും പശ്ചാത്താപവും അനുഭവിക്കേണ്ടി വന്നേക്കുമെന്നും അദ്ദേഹം മുന്നറിയിപ്പ് നൽകുന്നുണ്ട്. ഇതിനെ അനുകൂലിച്ചും പ്രതികൂലിച്ചും വലിയ ചർച്ചയാണ് പുരോഗമിക്കുന്നത്.
ചാണക്യനീതിയിൽ പറയുന്ന ആ കാര്യങ്ങൾ ഇതൊക്കെ;
- മകളുടെ സ്വപ്നങ്ങളെയും ലക്ഷ്യങ്ങളെയും ഒരു അച്ഛൻ ഒരിക്കലും അവഗണിക്കുകയോ നിസ്സാരമാക്കുകയോ ചെയ്യരുത്. വിദ്യാഭ്യാസം, കരിയർ, അല്ലെങ്കിൽ വിവാഹം പോലുള്ള സുപ്രധാന കാര്യങ്ങളിൽ അവളുടെ അഭിപ്രായങ്ങൾക്കും ആഗ്രഹങ്ങൾക്കും വില കൽപ്പിക്കണം.
- മകളെ അമിതമായി നിയന്ത്രിക്കുന്നത് അവളുടെ ആത്മവിശ്വാസം കുറയ്ക്കും. ശരിയും തെറ്റും തിരിച്ചറിയാൻ അവളെ പഠിപ്പിച്ച ശേഷം, സ്വന്തം ഇഷ്ടത്തിനനുസരിച്ച് തിരഞ്ഞെടുപ്പുകൾ നടത്താനുള്ള സ്വാതന്ത്ര്യം നൽകുന്നതാണ് ഒരു നല്ല പിതാവിൻ്റെ ലക്ഷണം.
- മകനായാലും മകളായാലും, മാതാപിതാക്കൾ രണ്ട് കുട്ടികൾക്കും തുല്യമായ സ്നേഹവും ബഹുമാനവും അവസരങ്ങളും നൽകണം. വിവേചനം ഉണ്ടായാൽ മകളുടെ മനസ്സിൽ അച്ഛനോട് വെറുപ്പും നീരസവും ഉണ്ടാകാൻ സാധ്യതയുണ്ട്.
- സുരക്ഷയുടെ കാര്യത്തിൽ അലംഭാവം കാണിക്കുന്നത് മകളുടെ ഭാവിയെ അപകടത്തിലാക്കും. വീടിനകത്തും പുറത്തും അവൾക്ക് സുരക്ഷിതമായ അന്തരീക്ഷം നൽകുകയും, സ്വയം പ്രതിരോധിക്കാനുള്ള അറിവ് നൽകുകയും ചെയ്യണം.
content highlight: Parenting
