അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തമിഴ് സൂപ്പർ താരം സൂര്യ നായകനാകുന്ന ഏറ്റവും പുതിയ ചിത്രമായ കറുപ്പിലെ ഗാനത്തിന്റെ ലിറിക് വീഡിയോ റിലീസ് ചെയ്തു. ദീപാവലി ദിനത്തില്‍ പക്കാ മാസ് സോങ് ആണ് സൂര്യ ആരാധകർക്കയി പുറത്തിറക്കിയത്. സായ് അഭ്യങ്കറാണ് സംഗീത സംവിധാനം നിര്‍വഹിച്ചിരിക്കുന്നത്. വിഷ്ണു ഇടവനാണ് ‘ഗോഡ് മോഡ്’ എന്ന ഗാനത്തിന്റെ വരികള്‍ എഴുതിയത്.
ആര്‍.ജെ ബാലാജി സംവിധാനം ചെയ്യുന്ന കറുപ്പില്‍ തൃഷയാണ് നായികയായി അഭിനയിക്കുന്നത്. 2005 ന് ശേഷം സൂര്യയുമൊത്ത് തൃഷ അഭിനയിക്കുന്ന ചിത്രം കൂടിയാണ് കറുപ്പ്. ഇന്ദ്രന്‍സ്, യോഗി ബാബു, ശിവദ, സ്വാസിക, നട്ടി, സുപ്രീത് റെഡ്ഡി, അനഘ മായ രവി എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
ജി.കെ.വിഷ്ണു ഛായാഗ്രഹണം, കലൈവാണന്‍ എഡിറ്റിംഗ്, അരുണ്‍ വെഞ്ഞാറമൂട് കലാസംവിധാനം, ഷോഫി, സാന്‍ഡിയുടെയും കൊറിയോഗ്രഫിയും അന്‍പറിവിന്റേയും വിക്രം മോറിന്റെയും ആക്ഷന്‍സും കൊറിയോഗ്രാഫിയും കറുപ്പിന്റെ സാങ്കേതിക സംഘത്തിന്റെ പ്രത്യേകതയാണ്. ഡ്രീം വാരിയര്‍ പിക്ചേഴ്സിന്റെ ബാനറില്‍ എസ്ആര്‍ പ്രഭുവും എസ്ആര്‍ പ്രകാശ് ബാബുവുമാണ് കറുപ്പിന്റെ നിര്‍മ്മാണം നിര്‍വഹിക്കുന്നത്. പി ആര്‍ ഓ ആന്‍ഡ് മാര്‍ക്കറ്റിംഗ്: പ്രതീഷ് ശേഖര്‍
