അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.റിമ കല്ലിങ്കൽ അഭിനയിച്ച ഏറ്റവും പുതിയ ചിത്രമാണ് ‘തിയേറ്റർ: ദി മിത്ത് ഓഫ് റിയാലിറ്റി’. ചിത്രത്തിൽ റിമ കല്ലിങ്കലിനു വേണ്ടി ചെയ്ത പ്രോസ്തറ്റിക് മേക്കപ്പിന്റെ വീഡിയോ പുറത്തിവിട്ടിരിക്കുകയാണ്, കോൺസെപ്റ്റ് ആർട്ടിസ്റ്റും പ്രോസ്തറ്റിക് മേക്കപ്പ് ആർട്ടിസ്റ്റുമായ സേതു ശിവാനന്ദൻ.
View this post on Instagram
ഒരു പ്രാണി ശരീരത്തിൽ കടിച്ചതിനു ശേഷം ത്വക്കിനുണ്ടാകുന്ന മാറ്റങ്ങൾ സൂക്ഷ്മമായി സിനിമയിൽ അവതരിപ്പിച്ചിരുന്നു. ‘തിയേറ്റർ’ സിനിമയിലെ കഥാപാത്രത്തിനായി ഓരോ ദിവസവും നാലു മണിക്കൂർ നീളുന്ന പ്രോസ്തറ്റിക് മേക്കപ്പ് ആണ് റിമ കല്ലിങ്കലിനു വേണ്ടി ചെയ്തതെന്ന് സേതു ശിവാനന്ദൻ പറയുന്നു. ത്വക്കിലുണ്ടാകുന്ന മാറ്റങ്ങളുടെ ഓരോ ഘട്ടവും ആദ്യം ക്ലേയിൽ ചെയ്തെടുത്ത് പിന്നീട് അത് സിലിക്കണിൽ ചെയ്യുകയായിരുന്നുവെന്ന് സേതു പറഞ്ഞു.
വളരെ ശ്രദ്ധാപൂർവം ചെയ്ത മേക്കപ്പ് ആയിരുന്നു തിയേറ്ററിലേത്. എല്ലാ ദിവസവും രാവിലെ നാലു മണിക്കൂർ ദൈർഘ്യമുള്ള മേക്കപ്പ് ചെയ്യാൻ ക്ഷമയോടെ റിമ ഇരിക്കാറുണ്ടായിരുന്നു. ഏറെ സൗഹാർദപൂർണമായിരുന്നു റിമയുടെ ഇടപെടലെന്നും സേതു വ്യക്തമാക്കി. മനോജ് കിരൺ, അഷ്റഫ്, വിക്കി, പ്രശാന്ത് എന്നിവരായിരുന്നു ടീമിൽ ഒപ്പമുണ്ടായിരുന്നതെന്നും സേതു പറഞ്ഞു.
