അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ധനുഷ്-നിത്യ മേനൻ കോമ്പൊയിൽ എത്തിയ തമിഴ് ചിത്രമാണ് ‘ഇഡ്ലി കടൈ’. ധനുഷ് രചനയും സംവിധാനവും നിര്‍വഹിച്ച് നായകനായെത്തിയ ചിത്രത്തിന് തിയേറ്ററുകളിൽ സമ്മിശ്ര പ്രതികരണം ആണ് ലഭിച്ചത്. ധനുഷ്ചിത്രം ഇപ്പോൾ ഒടിടി റിലീസിന് തയ്യാറെടുക്കുകയാണ്. നെറ്റ്ഫ്ലിക്സ് ആണ്സിനിമയുടെ ഒടിടി റൈറ്റ്സ് സ്വന്തമാക്കിയിരിക്കുന്നത്. ചിത്രത്തിന്റെ ഒടിടി സ്ട്രീമിങ് തിയതി പുറത്തു വന്നിരിക്കുകയാണ്. ഒക്ടോബർ 29 ന് ആയിരിക്കും ചിത്രം പ്രേക്ഷകരിലേക്ക് എത്തും.
നിത്യ മേനൻ ആയിരുന്നു ചിത്രത്തിൽ നായികയായി എത്തിയത്. തിരുച്ചിദ്രമ്പലം എന്ന സൂപ്പർ ഹിറ്റ് ചിത്രത്തിന് ശേഷം ധനുഷ്- നിത്യ മേനൻ കോമ്പോ ഒന്നിക്കുന്ന ചിത്രം കൂടിയായിരുന്നു ഇത്. ശാലിനി പാണ്ഡേ ആണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിച്ചത്. ചിത്രം നെറ്റ്ഫ്ലിക്സിലൂടെയാണ് ഒടിടി സ്ട്രീമിങ് ആരംഭിക്കുന്നത്. പാൻ ഇന്ത്യൻ ഹിറ്റായി മാറിയ ഋഷഭ് ഷെട്ടി ചിത്രം ‘കാന്താര ചാപ്റ്റർ 1’-നൊപ്പം തിയേറ്ററുകളിൽ എത്തിയെങ്കിലും വലിയ രീതിയിലുള്ള പ്രശംസകൾ ഇഡ്ലി കടൈക്ക് ലഭിച്ചിരുന്നില്ല. കോയിമോയി റിപ്പോർട്ട് ചെയ്യുന്നത് പ്രകാരം 100 കോടിയായിരുന്നു ചിത്രത്തിന്റെ ബഡ്ജറ്റ്.
വണ്ടര്‍ബാര്‍ ഫിലിംസ്, ഡ‍ോണ്‍ പിക്ചേഴ്സ് എന്നീ ബാനറുകളില്‍ ആകാശ് ഭാസ്കരനും ധനുഷും ചേര്‍ന്നാണ് ചിത്രത്തിന്റെ നിര്‍മ്മാണം. ഒക്ടോബര്‍ ഒന്നിന് റിലീസ് ചെയ്‍ത ധനുഷ് ചിത്രം ഇന്ത്യയില്‍ നിന്ന് മാത്രം ഓപ്പണിംഗില്‍ 10 കോടി രൂപയിലധികമാണ് നെറ്റ് കളക്ഷൻ നേടിയത്. ഇതുവരെയായി ആഗോളതലതത്തില്‍ ചിത്രം 71.27 കോടിയാണ് നേടിയിരിക്കുന്നത് എന്നാണ് സാക്നില്‍ക്കിന്റെ റിപ്പോര്‍ട്ട്.
ജി വി പ്രകാശ് സംഗീത സംവിധാനം നിര്‍വ്വഹിക്കുന്ന ചിത്രത്തിന്റെ ഛായാഗ്രഹണം കിരണ്‍ കൗശിക് ആണ്. എഡിറ്റിംഗ് പ്രസന്ന ജി കെ, പ്രൊഡക്ഷന്‍ ഡിസൈന്‍ ജാക്കി, ആക്ഷന്‍ പി സി സ്റ്റണ്ട്സ്, കൊറിയോഗ്രഫി ബാബ ഭാസ്‍കര്‍, വസ്ത്രാലങ്കാരം കാവ്യ ശ്രീറാം, വിഎഫ്എക്സ് സൂപ്പര്‍വൈസര്‍ പ്രവീണ്‍ ഡി, മേക്കപ്പ് ബി രാജ, സ്റ്റില്‍സ് തേനി മുരുകന്‍, പബ്ലിസിറ്റി ഡിസൈന്‍ കപിലന്‍, പിആര്‍ഒ റിയാസ് കെ അഹമ്മദ്.
