അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചെന്നൈ: തമിഴ് നടന്മാരായ രജനീകാന്തിനും ധനുഷിനും ബോംബ് ഭീഷണി. വീട്ടിൽ ബോംബ് വച്ചിട്ടുണ്ടെന്ന ഭീഷണി സന്ദേശം ആണ് ലഭിച്ചത്. അജ്ഞാത ഇ-മെയിൽ ഐ.ഡി. വഴിയാണ് തമിഴ്നാട് ഡിജിപിക്ക് സന്ദേശം ലഭിച്ചത്. തുടർന്ന് തേനംപേട്ട് പോലീസും ബോംബ് സ്ക്വാഡും രജനീകാന്തിന്റെ വീട്ടിൽ സുരക്ഷാ പരിശോധന നടത്തി.
സംഭവത്തിൽ പോലീസ് അന്വേഷണം നടത്തി സന്ദേശം വ്യാജമാണെന്ന് കണ്ടെത്തി.അജ്ഞാതർ വീട്ടിൽ പ്രവേശിച്ചിട്ടില്ലെന്നും ഭീഷണി വ്യാജമായിരിക്കാമെന്നും നടന്റെ സുരക്ഷാ ഉദ്യോഗസ്ഥർ പോലീസിനെ അറിയിച്ചു. ഇ-മെയിലിൽ പേരുണ്ടായിരുന്ന മറ്റ് പ്രമുഖരുടെ വീടുകളിലും പോലീസ് പരിശോധന നടത്തി.
ഇതിന് മുമ്പും നടന്റെ വീട്ടില്‍ ബോബ് വച്ചിട്ടുണ്ടെന്ന് സന്ദേശം പോലീസിന് ലഭിച്ചിരുന്നു. 2018-ലും 2020-ലും സമാനസംഭവമുണ്ടായിരുന്നു. പോയസ് ഗാർഡനിലെ രജനിയുടെ വസതിയിൽ ബോംബ് വെച്ചിട്ടുണ്ടെന്നായിരുന്നു അന്നത്തെ ഭീഷണി.
