അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിലെ ഗതാഗത സംവിധാനങ്ങള് സ്ത്രീ സൗഹൃദമാണോ ?. കാലങ്ങളായി ചര്ച്ച ചെയ്തു കൊണ്ടിരിക്കുന്ന വിഷയമാണിത്. ഭയവും വേദനകളും ക്രൂരതകളും പീഡനവും മരണവും മാത്രമാണ് സ്ത്രീകളെ വേട്ടയാടിക്കൊണ്ടിരിക്കുന്നത്. ട്രെയിനും, ബസും, ടാക്സിയും, ഓട്ടോയും ആമ്പുലസുകള് വരെ സ്ത്രീ പീഡന ഇടങ്ങളായി മാറിക്കഴിഞ്ഞു. എല്ലായിടങ്ങളിലും, എല്ലാ നിയമങ്ങളും സ്ത്രീകളെ സംരക്ഷിക്കുന്നതിനു വേണ്ടിയുള്ളതാകുമ്പോഴാണ് സ്ത്രീകള് പൊതു ഇടങ്ങളില് പീഡിപ്പിക്കപ്പെടുന്നതെന്ന് ഓര്ക്കണം. വീടുകളില്, പൊതു ഇടങ്ങളില്, വാഹനങ്ങളില് അങ്ങനെ എല്ലാ ഇടങ്ങളിലും സ്ത്രീകള് അരക്ഷിതരായി മാറിക്കഴിഞ്ഞു. സൗമ്യയുടെ കൊലപാതകം, പെരുമ്പാവൂരില് ജിഷയുടെ കൊലപാതകം തുടങ്ങി എണ്ണിയാൽ തീരാത്ത എത്രയെത്ര കൊലപാതകങ്ങളാണ് നടന്നിരിക്കുന്നത്.
എന്നിട്ടും, സ്ത്രീകള് വീണ്ടും വീണ്ടും അപകടപ്പെട്ടു കൊണ്ടിരിക്കുന്നു. ശാരീരികമായി മാത്രമല്ല മാനസികമായും ഇന്ന് സമൂഹത്തില് നിന്ന് കഷ്ടതകള് സ്ത്രീകള് അനുഭവിക്കുന്നുണ്ട്. നിയമത്തിന്റെ പിന്തുണ അവര്ക്കുണ്ടെക്കിലും പല സ്ഥലങ്ങളിലും ആ സപ്പോര്ട്ട് ഗുണമില്ലാതാകുന്നുമുണ്ട്, പ്രത്യകിച് യാത്രകളില്. ട്രെയിനുകളില് സ്ത്രീകള്ക്ക് നേരെ ദിനംപ്രതിയുണ്ടാകുന്ന മോശം അനുഭവങ്ങളുടെ വാര്ത്തകള് കൂടി വരികയാണ്. ജോലി, പഠിത്തം തുടങ്ങിയ ആവശ്യങ്ങള് കാരണം സ്ത്രീകള്ക്ക് രാത്രി യാത്രകള് ഒഴിവാക്കാന് കഴിയാത്ത സ്ഥിതിയുണ്ട്. ഇത്തരം യാത്രകളില് നോട്ടത്തിലൂടെയും തട്ടലുകളിലൂടെയും ഒക്കെ പല മോശം പ്രവൃത്തികള് അനുഭവിക്കുന്നുണ്ട്. സ്ത്രീകള്ക്ക് മാത്രമല്ല കൊച്ചു പെണ്കുട്ടികള്ക്ക് വരെ ഉണ്ടാകാറുണ്ട്.
പൊതു ഗതാഗത സംവിധാനങ്ങളില് യാത്രചെയ്യുന്ന സ്ത്രീകളോട് തങ്ങളുടെ ജീവിതത്തില് ഉണ്ടായ മോശം അവസ്ഥയെപ്പറ്റി ചോദിച്ചാല് എല്ലാവര്ക്കും കാണും യാത്രയില് നിന്ന് ഉണ്ടായ ഒരു ദുരനുഭവം പറയാന്. സോഷ്യല് മീഡിയയുടെ വളര്ച്ചമൂലം ഇന്ന് അവര്ക്ക് പ്രതികരിക്കാന് ഒരു ധൈര്യം ഉണ്ടെങ്കിലും അവിടെയും കുറ്റപ്പെടുത്താന് ആളുകള് കാണും. എന്നിരുന്നാലും ഇന്ന് സോനാ രക്ഷപെടാന് കാരണവും സുരേഷ് എന്ന ആ പ്രതി പെട്ടന്ന് പിടിയിലാകാം ഉള്ള കാരണം ഈ സോഷ്യല് മീഡിയ തന്നെ ആണ്. പ്രധാനമായും ഇതിനെല്ലാം കാരണം നമ്മുടെ നിയമത്തെയോ നിയമ വ്യവസ്ഥയെയോ ആര്ക്കും ഭയമില്ല എന്നതാണ്. തങ്ങള് ആരെ എന്ത് ചെയ്താലും ഒന്നും സംഭവിക്കാന് പോകുന്നില്ല എന്ന ചിന്തയാണ് ഓരോ ദിവസം കൂടുന്തോറും നമ്മുടെ നാട്ടില് ക്രൂരത ഏറി വരുന്നതിന്റെ പ്രധാന കാരണം. രണ്ടാമത്തേത് യാത്രയ്ക്കിടയില് സഹായത്തിനായി ഒച്ചവെച്ചാല് പോലും പ്രതികരിക്കാന് മടിക്കുന്ന സഹയാത്രികരുടെ നിസ്സംഗതയാണ്.
ഇന്നലെ നടന്നത് ആദ്യമായി സംഭവിക്കുന്ന ഒരു കാര്യം അല്ല ഇതിനെ മുമ്പേ സമാനമായ രീതിയില് കേരളക്കരയെ ജെട്ടിച്ച സംഭവം നമ്മക്കിടയില് ഉണ്ടായിട്ടുണ്ട് വേറെ ഒന്നും അല്ല സൗമ്യ കേസ്. വര്ക്കലയില് ഓടുന്ന ട്രെയിനില് നിന്ന് 19 വയസ്സുകാരിയായ സോനയെ വഴി മാറി കൊടുക്കാത്തതിന്റെ പേരില് പ്രകോപിതനായി സഹയാത്രികന് ചവിട്ടി ട്രാക്കിലേക്ക് തള്ളിയിട്ട സംഭവം, ഒരു പതിറ്റാണ്ട് മുന്പ് നടന്ന സൗമ്യയുടെ ദാരുണമായ അനുഭവം നമ്മുടെ മനസ്സിലേക്ക് തിരികെ കൊണ്ടുവരികയാണ്.
- ഭയത്തിന്റെ പുനരാവർത്തനം: ഓർമ്മയിലെ സൗമ്യയും ഇന്നത്തെ സോനയും
വർക്കലയിൽ സോനയ്ക്ക് നേരെയുണ്ടായ ക്രൂരമായ ആക്രമണത്തിന്റെ വാർത്ത കേൾക്കുമ്പോൾ, 2011 ഫെബ്രുവരിയിൽ കേരളത്തെ നടുക്കിയ സൗമ്യ കേസിന്റെ ദുരന്തമാണ് ഓർമ്മ വരുന്നത്. എറണാകുളം-ഷൊർണൂർ പാസഞ്ചർ ട്രെയിനിലെ ലേഡീസ് കംപാർട്ട്മെന്റിൽ വെച്ച് ക്രൂരമായി ആക്രമിക്കപ്പെടുകയും, ഓടുന്ന ട്രെയിനിൽ നിന്ന് ട്രാക്കിലേക്ക് തള്ളിയിടപ്പെടുകയും, തുടർന്ന് പീഡിപ്പിക്കപ്പെടുകയും ചെയ്ത സൗമ്യയുടെ വിധി. ഈ രണ്ട് സംഭവങ്ങൾക്കിടയിൽ കാലത്തിന്റെ വലിയൊരു അകലമുണ്ടെങ്കിലും, ഭീതിയുടെയും അരക്ഷിതാവസ്ഥയുടെയും ഒരേ നൂൽബന്ധമുണ്ട്. രണ്ട് ആക്രമണങ്ങളും അപ്രതീക്ഷിതവും, അതിക്രൂരവും, അതിജീവനത്തിനായി പോരാടാൻപോലും ഇരകൾക്ക് അവസരം നൽകാത്തതുമായിരുന്നു. ട്രെയിനിന്റെ ഏകാന്തതയും സുരക്ഷാ ജീവനക്കാരുടെ അഭാവവുമാണ് ഇത്തരക്കാർക്ക് കുറ്റകൃത്യങ്ങൾ ചെയ്യാൻ ധൈര്യം നൽകുന്നത്. സൗമ്യയുടെ സംഭവം കേരളത്തിൽ വലിയ പ്രക്ഷോഭങ്ങൾക്ക് വഴിവെച്ചെങ്കിലും, ട്രെയിനുകളിലെ സുരക്ഷ ഉറപ്പാക്കുന്നതിൽ അധികാരികൾക്ക് സംഭവിച്ച വീഴ്ചയാണ് ഇന്നലെ ഒരു നിസ്സഹായയായ പെൺകുട്ടിക്ക് ഈ ദുരവസ്ഥയുണ്ടാകാൻ പ്രധാന കാരണം.
- ഒറ്റയ്ക്കായവരുടെ വേദന: ട്രാക്കിലെ ചോരയും അധികാരികളുടെ മൗനവും
അത്യാവശ്യ സമയങ്ങളിൽ സഹായത്തിനായി വിളിക്കുമ്പോൾ പ്രതികരിക്കാൻ മടിക്കുന്ന സഹയാത്രികരുടെ മനോഭാവവും ഇത്തരം അതിക്രമങ്ങൾ വർദ്ധിക്കാൻ കാരണമാകുന്നുണ്ട്. സൗമ്യയുടെ കാര്യത്തിൽ, അക്രമിയുടെ ഭീഷണി കാരണം സഹായം ചെയ്യാൻ ശ്രമിച്ച ഒരാൾ പിന്മാറിയെങ്കിൽ, വർക്കലയിൽ യാത്രക്കാർ പ്രതിയെ കീഴ്പ്പെടുത്തി പോലീസിന് കൈമാറിയത് ആശ്വാസകരമായ മാറ്റമാണ്. എങ്കിലും, ഈ സംഭവങ്ങൾ വ്യക്തമാക്കുന്നത് ട്രെയിനുകളിലെ ലേഡീസ് കംപാർട്ട്മെന്റുകളിലടക്കം വനിതാ പോലീസിന്റെയും റെയിൽവേ പ്രൊട്ടക്ഷൻ ഫോഴ്സിന്റെയും (RPF) നിരന്തരമായ സാന്നിധ്യവും നിരീക്ഷണവും അത്യന്താപേക്ഷിതമാണ് എന്നതാണ്. പ്രത്യേകിച്ചും തിരക്കുകുറഞ്ഞ സമയങ്ങളിലും രാത്രികാലങ്ങളിലും ട്രെയിനുകൾക്ക് കൂടുതൽ സുരക്ഷാ വലയം അത്യാവശ്യമാണ്.
- റെയിൽവേയുടെ മറുപടി എവിടെ?
വർക്കലയിൽ ഓടിക്കൊണ്ടിരുന്ന ട്രെയിനിൽ നിന്ന് ഒരു പെൺകുട്ടിയെ ചവിട്ടി ട്രാക്കിലേക്ക് തള്ളിയിട്ട ശേഷം പ്രതി കൊച്ചുവേളി സ്റ്റേഷനിലിറങ്ങി പോകുമ്പോഴും, ഒരു ട്രെയിനിലും, ഒരു സ്റ്റേഷനിലും പ്രതിയെ തടയാൻ കഴിഞ്ഞില്ലെങ്കിൽ, റെയിൽവേയുടെ സുരക്ഷാ സംവിധാനങ്ങൾ എത്രത്തോളം ദുർബലമാണെന്ന് നമ്മൾ തിരിച്ചറിയേണ്ടതുണ്ട്. ഓരോ സ്ത്രീക്കും ഭയമില്ലാതെ, രാത്രിയെന്നോ പകലെന്നോ വ്യത്യാസമില്ലാതെ, ട്രെയിനിൽ യാത്ര ചെയ്യാനുള്ള അവകാശമുണ്ട്. ട്രെയിൻ കംപാർട്ട്മെന്റുകളിൽ സി.സി.ടി.വി. ക്യാമറകൾ സ്ഥാപിക്കുക, അടിയന്തര സാഹചര്യങ്ങളിൽ സഹായം തേടാനുള്ള ‘പാനിക് ബട്ടൺ’ സംവിധാനം നടപ്പിലാക്കുക, ക്രിമിനൽ പശ്ചാത്തലമുള്ള വ്യക്തികളെക്കുറിച്ചുള്ള വിവരങ്ങൾ കൈമാറുക തുടങ്ങിയ സുരക്ഷാ നടപടികൾ റെയിൽവേ അടിയന്തരമായി സ്വീകരിക്കണം. സുരക്ഷാ വീഴ്ചകൾക്ക് ഇനിയും പെൺജീവിതം വില നൽകേണ്ടി വരുന്ന ഈ അവസ്ഥ എത്രയും പെട്ടെന്ന് അവസാനിക്കണം. സോനയ്ക്ക് നീതി ലഭിക്കുമ്പോൾ, അത് ഓരോ വനിതാ യാത്രക്കാരുടെയും സുരക്ഷ ഉറപ്പാക്കുന്നതിനുള്ള ഒരു തുടക്കമായി മാറണം.
