അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലപ്പുറം: അര്ജന്റീന ടീം മാര്ച്ചില് കേരളത്തില് കളിക്കുമെന്ന് കായിക മന്ത്രി വി അബ്ദുറഹിമാന്. മലപ്പുറത്ത് നടന്ന കായിക വകുപ്പിന്റെ വിഷന് സെമിനാറിലാണ് മന്ത്രി ഇക്കാര്യം അറിയിച്ചത്.
രണ്ടുദിവസം മുന്പ് അര്ജന്റീന ടീമിന്റെ മെയില് വന്നുവെന്നും മാര്ച്ചില് കേരളത്തില് കളിക്കുമെന്നും അതിന്റെ പ്രഖ്യാപനം അടുത്ത ദിവസം ഉണ്ടാകുമെന്നും മന്ത്രി പറഞ്ഞു.
നവംബര് മാസത്തില് അര്ജന്റീന ടീമിനെ കൊണ്ടുവരാനായിരുന്നു പദ്ധതിയിട്ടത്. കൊച്ചിയിലെ സ്റ്റേഡിയത്തില് കളി നടത്താനായിരുന്നു തീരുമനം. എന്നാല് സ്റ്റേഡിയത്തിലെ ചില അസൗകര്യങ്ങള് തടസ്സമായി. ഇപ്പോ അത് എല്ലാം പൂര്ത്തിയായെങ്കിലും സ്റ്റേഡിയത്തിനുള്ള അംഗീകാരം ലഭ്യമാകത്തതുകൊണ്ടാണ് കളി നവംബറില് നടക്കാതെ പോയതെന്നും മന്ത്രി പറഞ്ഞു.
‘രണ്ടുദിവസം മുന്പ് അര്ജന്റീന ടീമിന്റെ മെയില്വന്നു. മാര്ച്ചില് നിര്ബന്ധമായി വരുമെന്നും അടുത്ത ദിവസം തന്നെ അതിന്റെ അനൗണ്സ്മെന്റ് നടത്തുമെന്നും അവര് അറിയിച്ചു’- മന്ത്രി പറഞ്ഞു.
