അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മഞ്ചേരി: 11 വയസ്സുകാരി മകളെ പീഡിപ്പിച്ച കേസിൽ മാതാവിനും സുഹൃത്തായ യുവാവിനും 180 വർഷം കഠിന തടവും ₹11.75 ലക്ഷം രൂപ പിഴയും മഞ്ചേരി സ്പെഷൽ പോക്സോ കോടതി വിധിച്ചു. പാലക്കാട് ചെർപ്പുളശേരി സ്വദേശിയായ ബിനീഷ് (35), തിരുവനന്തപുരം സ്വദേശിയായ 30 വയസ്സുകാരി മാതാവ് എന്നിവർക്ക് ജഡ്ജി എ.എം. അഷ്റഫ് ആണ് ശിക്ഷ വിധിച്ചത്.
മൊബൈൽ ഫോണിലൂടെ പരിചയപ്പെട്ട യുവതിയും ബിനീഷും പിന്നീട് സൗഹൃദം പ്രണയത്തിലേക്ക് നീങ്ങി. തുടർന്ന് യുവതി ഭർത്താവിനെ ഉപേക്ഷിച്ച് കുട്ടിയുമായി ബിനീഷിനൊപ്പം ഒളിച്ചോടുകയായിരുന്നു. 2019 ഡിസംബർ മുതൽ 2021 ഒക്ടോബർ വരെ അവർ ആനമങ്ങാട്ടിലും പിന്നീട് വള്ളിക്കാപ്പറ്റയിലുമുള്ള വാടകവീടുകളിൽ താമസിക്കുന്നതിനിടെയാണ് പീഡനമുണ്ടായത്.
കോടതി ഇരുവർക്കും ഒരേ ശിക്ഷ വിധിച്ചു, എന്നാൽ ശിക്ഷ ഒന്നിച്ച് അനുഭവിച്ചാൽ മതി എന്നും ഉത്തരവിട്ടു. പ്രതികൾ പിഴ അടച്ചാൽ തുക അതിജീവിതയ്ക്കു നൽകാൻ കോടതിയും നിർദേശിച്ചു. കൂടാതെ, വിക്‌ടിംസ് കോംപൻസേഷൻ ഫണ്ടിൽ നിന്ന് അതിജീവിതയ്ക്ക് നഷ്ടപരിഹാരം നൽകുന്നതിനുള്ള നടപടികൾ ജില്ലാ ലീഗൽ സർവീസസ് അതോറിറ്റി കൈക്കൊള്ളണമെന്നും നിർദേശിച്ചു.
പ്രതികളെ തവനൂർ ജയിലിലേക്ക് മാറ്റി. കേസ് രജിസ്റ്റർ ചെയ്തത് മലപ്പുറം വനിതാ പൊലീസ് ഇൻസ്‌പെക്ടർ റസിയ ബംഗാളത്ത് ആയിരുന്നു. അന്വേഷണത്തിന് സബ് ഇൻസ്‌പെക്ടർ സന്ധ്യാ ദേവിയും എസ്‌സിപിഒ ദീപയും സഹായം നൽകി.
സ്പെഷ്യൽ പബ്ലിക് പ്രോസിക്യൂട്ടർ 26 സാക്ഷികളെ വിസ്തരിക്കുകയും 33 രേഖകൾ കോടതിയിൽ ഹാജരാക്കുകയും ചെയ്തു. അസി. സബ് ഇൻസ്‌പെക്ടർ എൻ. സൽമ പ്രോസിക്യൂഷനെ സഹായിച്ചു.
