അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൊല്ലം: വീടുകളിൽ അതിക്രമിച്ച് കയറി മോഷണം നടത്തിവന്ന യുവാവ് പോലീസിന്റെ പിടിയിലായി. നിരവധി മോഷണകേസുകളിൽ പ്രതിയായ മുണ്ടക്കൽ കുന്നടി കിഴക്കതിൽ വിഷ്ണു അഥവാ ആകാശ് (23) ആണ് കൊല്ലം ഈസ്റ്റ് പോലീസ് അറസ്റ്റ് ചെയ്തത്.
മുണ്ടക്കൽ ഉദയമാർത്താണ്ഡപുരം പ്രദേശത്തെ ഒരു വീട്ടിൽ അതിക്രമിച്ച് കയറി പമ്പ് സെറ്റ്, എസി കംപ്രസർ, ഏകദേശം 60 കിലോ പിത്തള കമ്പികൾ, ഇലക്ട്രിക് വയറുകൾ എന്നിവ അടക്കം ഏകദേശം ₹50,000 വിലമതിക്കുന്ന സാധനങ്ങൾ മോഷ്ടിച്ച കേസിലാണ് ഇയാൾ പിടിയിലായത്.
പ്രാഥമിക അന്വേഷണത്തിൽ, രാത്രികാലങ്ങളിൽ വീടുകളിൽ കയറി മോഷണം നടത്തുന്നതായിരുന്നു പ്രതിയുടെ പതിവ് രീതിയെന്ന് പോലീസ് വ്യക്തമാക്കി. പ്രതിയെ പിടികൂടിയത് ഇൻസ്പെക്ടർ പുഷ്പകുമാറിന്റെ നേതൃത്വത്തിൽ രൂപീകരിച്ച സംഘമാണ്. സംഘത്തിൽ സബ് ഇൻസ്പെക്ടർമാരായ നിയാസ്, സരിത എന്നിവരും സിപിഒമാരായ ഇമ്മാനുവൽ, അജയകുമാർ, സുജിത്ത് എന്നിവർ ഉൾപ്പെട്ട സംഘമാണ് പ്രതിയെ മുണ്ടക്കൽ ഭാഗത്തുള്ള താമസസ്ഥലത്തുനിന്ന് പിടികൂടിയത്.
പോലീസ് പ്രതിയുടെ മറ്റ് മോഷണങ്ങളുമായി ബന്ധപ്പെട്ട തെളിവുകൾ ശേഖരിക്കുന്നതിനായി അന്വേഷണം വ്യാപിപ്പിച്ചു.
