അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പേരാമ്പ്ര: സ്കൂൾ ഗ്രൗണ്ടിൽ കളിക്കുന്ന കുട്ടികളുടെ നടുവിലേക്ക് കാർ ഓടിച്ച് യുവാവിന്റെ അഭ്യാസ പ്രകടനം. തലനാരിഴക്ക് വലിയ ദുരന്തത്തിൽ നിന്ന് രക്ഷപ്പെട്ട് വിദ്യാർഥികൾ. പേരാമ്പ്ര കൂത്താളി വൊക്കേഷണൽ ഹയർ സെക്കൻഡറി സ്കൂൾ ഗ്രൗണ്ടിലാണ് സംഭവം നടന്നത്.
കുട്ടികൾ കളിക്കുന്നതിടയിലേക്ക് അമിത വേഗത്തിൽ എത്തിയ കാർ പലവട്ടം അവരുടെ ദിശയിലേക്ക് പാഞ്ഞടുത്തതായാണ് ദൃക്സാക്ഷികൾ പറയുന്നത്. ഓടി മാറിയതിനാൽ വിദ്യാർത്ഥികൾ അപടത്തിൽ നിന്ന് രക്ഷപെട്ടു.
സംഭവത്തിന്റെ സി.സി.ടി.വി ദൃശ്യങ്ങൾ പുറത്തുവന്നതിനെ തുടർന്ന് പൊലീസ് അന്വേഷണം ശക്തമാക്കി. കാർ പേരാമ്പ്ര പൈതോത്തു സ്വദേശിയുടേതാണെന്ന് പൊലീസ് കണ്ടെത്തിയിട്ടുണ്ട്. കാർ ഉടമയെ ചോദ്യം ചെയ്യാനും വാഹനം സ്റ്റേഷനിൽ ഹാജരാക്കാനുമായി നോട്ടീസ് നൽകിയതായി പേരാമ്പ്ര പൊലീസ് അറിയിച്ചു.
വിദ്യാർത്ഥികളുടെയും രക്ഷിതാക്കളുടെയും പരാതിയെ തുടർന്ന് പൊലീസ് തുടർനടപടികൾ ആരംഭിച്ചു. തലനാരിഴക്ക് വൻ ദുരന്തം ഒഴിവായത് പ്രദേശവാസികൾ ആശ്വാസമായെന്ന് പ്രദേശവാസികൾ പറയുന്നു.
