അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട്: യുവാവിന്റെ ശല്യത്തെ തുടർന്ന് പരാതി നൽകാനെത്തിയ 20 വയസ്സുകാരി മൊഴി രേഖപ്പെടുത്തുന്നതിനിടെ ആത്മഹത്യയ്ക്ക് ശ്രമിച്ചു. അത്തോളി സ്വദേശിനിയായ യുവതി ബുധനാഴ്ച രാവിലെ നടക്കാവ് പോലീസ് സ്റ്റേഷനിലെ ശൗചാലയത്തിൽവെച്ചാണ് കൈ ഞെരമ്പ് മുറിച്ച് ആത്മഹത്യയ്ക്ക് ശ്രമിച്ചത്.
സംഭവം നടന്നതിനെത്തുടർന്ന് സ്റ്റേഷനിലുള്ള ഉദ്യോഗസ്ഥർ യുവതിയെ ഉടൻ മെഡിക്കൽ കോളേജ് ആശുപത്രിയിലെത്തിച്ചു. സമയോചിതമായ ചികിത്സയെത്തുടർന്ന് ജീവൻ രക്ഷിക്കാനായി.
മൊഴി രേഖപ്പെടുത്തുന്നതിനിടെ പെൺകുട്ടിയുടെ മാതാപിതാക്കളും സ്റ്റേഷനിൽ ഒപ്പമുണ്ടായിരുന്നു പോലീസ് അറിയിച്ചു. സംഭവവുമായി ബന്ധപ്പെട്ട് കൂടുതൽ അന്വേഷണം തുടരുകയാണ്.
