അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മാസപ്പടി കേസിൽ എഫ്ഐആർ രജിസ്റ്റർ ചെയ്ത് അന്വേഷണം നടത്തണമെന്ന സിംഗിൾ ബെഞ്ച് ഉത്തരവിനെതിരായ പിണറായി വിജയന്റെ ഹർജി തിങ്കളാഴ്ച പരിഗണിച്ചേക്കും. സുപ്രിംകോടതി അന്വേഷണത്തിന് പത്ത് ദിവസത്തെ സ്റ്റേ അനുവദിച്ച കാര്യം ചൂണ്ടിക്കാട്ടിയാണ് ഹൈക്കോടതിയിൽ ഹരജി മെൻഷൻ ചെയ്തത്.
പത്ത് ദിവസത്തെ സ്റ്റേ നിലവിലില്ലേയെന്ന് കോടതി ചോദിച്ചതായാണ് വിവരം. തുടർന്ന് ഹർജി തിങ്കളാഴ്ച പരിഗണിക്കാമെന്ന് ജസ്റ്റിസ് സതീഷ് നൈനാൻ അറിയിച്ചതായും റിപ്പോർട്ടുണ്ട്.
സിംഗിൾ ബെഞ്ച് ഉത്തരവിനെതിരായ അപ്പീലിൽ പിണറായി വിജയനുവേണ്ടി സുപ്രിംകോടതിയിലെ മുതിർന്ന അഭിഭാഷകർ തിങ്കളാഴ്ച ഹാജരാകുമെന്നാണ് വിവരം.
സിഎംആർഎൽ – എക്സാലോജിക് കേസിൽ പിണറായിയുടെ ഹർജിയില്‍ സുപ്രിംകോടതി അന്വേഷണം 10 ദിവസത്തേക്ക് സ്റ്റേ ചെയ്തതിരുന്നു. എഫ്ഐആർ രജിസ്റ്റർ ചെയ്യാൻ ഉത്തരവിട്ട ഹൈക്കോടതി സിംഗിൾ ബെഞ്ചിന്റെ നടപടി ചോദ്യം ചെയ്ത് പിണറായി വിജയൻ നൽകിയ ഹർജിയിലാണ് സുപ്രിംകോടതിയുടെ ഇടപെടൽ.
പിണറായി വിജയന്റെയും മറ്റ് പ്രതികളുടെയും വാദം കേൾക്കാതെ ഉത്തരവിട്ട ഹൈക്കോടതി സിംഗിൾ ബെഞ്ചിന്റെ നടപടിയെ കോടതി വിമർശിച്ചു. പ്രതികളുടെ അപ്പീൽ ഹൈക്കോടതി ഡിവിഷൻ ബെഞ്ച് പരിഗണിക്കണമെന്നും നിർദേശിച്ചു. ജസ്റ്റിസുമാരായ ജോയ് മല്യ ബാഗ്ചി, വി. മോഹന എന്നിവരടങ്ങിയ ബെഞ്ചാണ് ഹർജി പരിഗണിച്ചത്.
