നവംബർ എട്ടിന് പ്രധാനമന്ത്രി വാരാണസി സന്ദർശിക്കും; നാല് പുതിയ വന്ദേ ഭാരത് ട്രെയിനുകൾ ഫ്ലാഗ് ഓഫ് ചെയ്യും

എറണാകുളം-കെഎസ്ആർ ബെംഗളൂരു വന്ദേ ഭാരത് എക്‌സ്പ്രസിൻ്റെ ഉദ്‌ഘാടനം സ്പെഷ്യൽ വീഡിയോ കോൺഫറൻസിംഗിലൂടെ ബഹുമാനപ്പെട്ട പ്രധാനമന്ത്രി ഫ്ലാഗ് ഓഫ് ചെയ്യും. എറണാകുളത്തും ദക്ഷിണ റെയിൽവേയിലെ തൃശൂർ, പാലക്കാട്, കോയമ്പത്തൂർ, തിരുപ്പൂർ, ഈറോഡ്, സേലം തുടങ്ങിയ സ്റ്റേഷനുകളിലും ഔപചാരിക ചടങ്ങുകൾ നടക്കും.

പ്രധാനമന്ത്രി ശ്രീ നരേന്ദ്ര മോദി 2025 നവംബർ 8-ന് വീഡിയോ കോൺഫറൻസിംഗിലൂടെ എറണാകുളം ജങ്ഷൻ– കെ.എസ്.ആർ. ബെംഗളൂരു വന്ദേ ഭാരത് എക്സ്പ്രസിന്റെ ഉദ്ഘാടനം സ്‌പെഷൽ ട്രെയിൻ നമ്പർ 06652-നെ ഫ്ലാഗ് ഓഫ് ചെയ്ത് പുതിയ വന്ദേ ഭാരത് എക്സ്പ്രസിന്റെ ഉദ്ഘാടനം നിർവഹിക്കും.

മുഖ്യ പരിപാടികൾ ബനാരസ് റെയിൽവേ സ്റ്റേഷനിൽ നടക്കും, അവിടെ നിന്ന് പ്രധാനമന്ത്രി നാല് വന്ദേ ഭാരത് സർവീസുകൾ ഫ്ലാഗ് ഓഫ് ചെയ്യും — എറണാകുളം – കെ.എസ്.ആർ. ബെംഗളൂരു വന്ദേ ഭാരത് എക്സ്പ്രസ്, ബനാരസ്–ഖജുരാഹോ വന്ദേ ഭാരത് എക്സ്പ്രസ്, ലഖ്നൗ ജങ്ഷൻ–സഹരണ്പുർ വന്ദേ ഭാരത് എക്സ്പ്രസ്, ഫിറോസ്പുർ കാന്റ്–ഡൽഹി വന്ദേ ഭാരത് എക്സ്പ്രസ്.

എറണാകുളം – കെ.എസ്.ആർ. ബെംഗളൂരു വന്ദേ ഭാരത് എക്സ്പ്രസ് കേരളത്തിന്‍റെ മൂന്നാമത്തെ വന്ദേ ഭാരത് സർവീസും കേരളത്തെ തമിഴ്നാട്, കർണാടക സംസ്ഥാനങ്ങളുമായി ബന്ധിപ്പിക്കുന്ന ആദ്യ ഇന്റർസ്റ്റേറ്റ് വന്ദേ ഭാരത് സർവീസും ആയിരിക്കും. ഇതോടെ സൗത്ത് റെയിൽവേ പരിധിയിൽ പ്രവർത്തിക്കുന്ന വന്ദേ ഭാരത് ട്രെയിൻ സർവീസുകളുടെ എണ്ണം 12 ജോഡിയായി വർധിക്കും.

കെ.എസ്.ആർ. ബെംഗളൂരു – എറണാകുളം വന്ദേ ഭാരത് എക്സ്പ്രസ് കേരളത്തിലെ വാണിജ്യ തലസ്ഥാനമായ എറണാകുളത്തെയും കോസ്മോപൊളിറ്റൻ നഗരമായ ബെംഗളൂരുവിനെയും വേഗതയേറിയ സുതാര്യമായ റെയിൽ ബന്ധത്തിലൂടെ ബന്ധിപ്പിക്കും. ഈ ട്രെയിൻ തൃശ്ശൂർ, പാലക്കാട്, കോയമ്പത്തൂർ, തിരുപ്പൂർ, ഈറോഡ്, സേലം എന്നിവയിലൂടെ ക്രിഷ്ണരാജപുരവും തുടർന്ന് കെ.എസ്.ആർ. ബെംഗളൂറും എത്തും. ഐ.ടി. പ്രൊഫഷണലുകൾ, വ്യവസായികൾ, വിദ്യാർത്ഥികൾ എന്നിവർക്ക് ഈ സേവനം വളരെയധികം പ്രയോജനപ്പെടും.

മാനനീയ പ്രധാനമന്ത്രിയുടെ വാരണാസിയിലെ പ്രധാന പരിപാടി സൗത്ത് റെയിൽവേയിലെ എറണാകുളം, തൃശ്ശൂർ, പാലക്കാട്, കോയമ്പത്തൂർ, തിരുപ്പൂർ, ഈറോഡ്, സേലം എന്നിവിടങ്ങളിലുള്ള എല്ലാ ചടങ്ങുകളിലും തത്സമയ സംപ്രേഷണം ചെയ്യപ്പെടും. ജനപ്രതിനിധികൾ, മാന്യാതിഥികൾ, വിദ്യാർത്ഥികൾ, റെയിൽ യാത്രക്കാരും പൊതുജനവും പരിപാടിയിൽ പങ്കെടുക്കും. ട്രെയിനെ മാർഗത്തിലുള്ള എല്ലാ സ്റ്റേഷനുകളിലും ഉഷ്മളമായി സ്വീകരിക്കും.

റെയിൽവേ ബോർഡ് അംഗീകാരം നൽകിയതനുസരിച്ച് എറണാകുളം ജങ്ഷൻ – കെ.എസ്.ആർ. ബെംഗളൂരു ഇടയിൽ ഒരു പുതിയ വന്ദേ ഭാരത് ട്രെയ്ൻ സർവീസ് ആരംഭിക്കുന്നു.

ട്രെയിൻ നമ്പർ 06652 എറണാകുളം ജങ്ഷൻ – കെ.എസ്.ആർ. ബെംഗളൂരു വന്ദേ ഭാരത് ഇന്നഗുറൽ സ്പെഷ്യൽ:

ട്രെയിൻ നമ്പർ 06652 എറണാകുളം ജങ്ഷൻ – കെ.എസ്.ആർ. ബെംഗളൂരു വന്ദേ ഭാരത് ഇന്നഗുറൽ സ്പെഷ്യൽ 2025 നവംബർ 08-ന് രാവിലെ 08.00 മണിക്ക് എറണാകുളം ജങ്ഷൻ നിന്ന് പുറപ്പെട്ട് അതേ ദിവസം 17.50ന് കെ.എസ്.ആർ. ബെംഗളൂരുവിൽ എത്തും.

കൂട്ടിച്ചേർക്കപ്പെട്ട കോച്ചുകൾ: 8 കോച്ചുകളുള്ള വന്ദേ ഭാരത് റേക്ക്

ട്രെയിൻ നമ്പർ 06652 എറണാകുളം ജങ്ഷൻ – കെ.എസ്.ആർ. ബെംഗളൂരു വന്ദേ ഭാരത് ഇന്നഗുറൽ സ്പെഷ്യൽ ട്രെയിൻ സ്റ്റേഷന്‍–സമയം പട്ടിക (24-മണിക്കൂർ ഫോർമാറ്റിൽ)

സമയം

എറണാകുളം ജങ്ഷൻ- 08.00
തൃശ്ശൂർ- 09.00 / 09.05
പാലക്കാട്- 10.50 / 10.55
കോയമ്പത്തൂർ -11.50 / 11.55
തിരുപ്പൂർ-12.32 / 12.37
ഈറോഡ് – 13.25 / 13.30
സേലം-14.07 / 14.12
ക്രിഷ്ണരാജപുര-17.03 / 17.05
കെ.എസ്.ആർ. ബെംഗളൂരു-17.50