അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട്: കോവിഡാനന്തര ഘട്ടത്തിൽ അടച്ചുപൂട്ടാൻ തീരുമാനിച്ച വെള്ളയിൽ റെയിൽവേ സ്റ്റേഷൻ ജനകീയ പ്രതിക്ഷേധം മൂലം പ്രവർത്തനം തുടരുകയും ഇന്ന് യാത്രക്കാരുടെ തിരക്കിൽ വലിയ ഉയർച്ച കൈവരിക്കുകയും ചെയ്യുന്നു. പുനര്‍നിർമ്മണം പൂർത്തിയാക്കി മൂന്നര വർഷം പിന്നിടുന്ന ഈ സ്റ്റേഷനിൽ യാത്രക്കാരുടെ എണ്ണം അഞ്ചിരട്ടിയായി ഉയർന്നത് അധിക ട്രെയിൻ സ്‌റ്റോപ്പുകളുടെ ആവശ്യത്തെ ശക്തമാക്കി.
മുന്നോട്ട് 6 ട്രെയിനുകൾക്ക് സ്റ്റോപ്പ് ഉണ്ടായിരുന്നെങ്കിലും കോവിഡ് കാലയളവിൽ ഇത് 4 ആയി ചുരുങ്ങി. ഇപ്പോഴിതുവരെ ദിനംപ്രതി 450–500 വരെയുള്ള യാത്രക്കാരാണ് സ്റ്റേഷൻ ഉപയോഗിക്കുന്നത്. ആദ്യ ഘട്ടത്തിൽ 100ഓളം യാത്രക്കാരാണ് ഈ സ്റ്റേഷൻ ഉപയോഗിച്ചിരുന്നത്.
സ്റ്റേഷൻ നിലനിർത്തുന്നതിനുള്ള ജനകീയ സമരത്തിന് നേതൃത്വം നൽകിയ ചോയുണ്ണി മാസ്‌റ്റർ റോഡ് റെസിഡൻറ്‌സ് അസോസിയേഷനും വെള്ളയിൽ റെയിൽവേ സ്റ്റേഷൻ സംരക്ഷണ സമിതിയും നടത്തിയ പ്രതിഷേധത്തെ തുടർന്ന് 2022 ഓഗസ്റ്റിൽ 4 ട്രെയിനുകൾക്ക് വീണ്ടും സ്റ്റോപ്പ് അനുവദിച്ചിരുന്നു. തുടർന്ന് സ്റ്റേഷൻ നവീകരിച്ച് കൂടുതൽ സൗകര്യങ്ങളോടെ പ്രവർത്തനമാരംഭിച്ചു.
യാത്രക്കാരുടെ വരവ് വർധിച്ചതോടെ കഴിഞ്ഞ മാസം മുതൽ ഇലക്ട്രോണിക് ടിക്കറ്റ് സംവിധാനം നടപ്പാക്കി. മുമ്പ് ഷൊർണൂർ, കണ്ണൂർ സ്റ്റേഷനുകളിലേക്കുള്ള ടിക്കറ്റുകൾ മാത്രമേ ലഭ്യമായിരുന്നുള്ളൂ. ഇപ്പോൾ രാജ്യത്തെ എല്ലാ സ്റ്റേഷനുകളിലേക്കുമുള്ള ജനറൽ ടിക്കറ്റുകൾ വെള്ളയിൽ സ്റ്റേഷനിൽ ലഭ്യമാണ്.
നേരത്തെപോലെ ഇപ്പോഴും നാല് ട്രെയിനുകളാണ് സ്റ്റേഷനിൽ നിൽക്കുന്നത് —
രാവിലെ 6.50നും വൈകിട്ട് 3.03നും കണ്ണൂരിലേക്കും
വൈകിട്ട് 5.00നും 7.15നും ഷൊർണൂരിലേക്കുമുള്ള സർവീസുകളാണ്.
യാത്രക്കാരുടെ കണക്കിലെ കുത്തനെ വർധന കണക്കിലെടുത്ത് രണ്ട് പാസഞ്ചർ ട്രെയിനുകൾക്കും അധിക സ്റ്റോപ്പ് അനുവദിക്കണമെന്ന ആവശ്യം ശക്തമാകുന്നു.
