അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: ദേശീയ ക്ഷീരദിനാഘോഷങ്ങളുടെ ഭാഗമായി അമ്പലത്തറയിലെ മിൽമ ഡെയറി നവംബർ 24, 25 തീയതികളിൽ പൊതുജനങ്ങൾക്ക് തുറന്നിടും. രാവിലെ 10 മുതൽ വൈകുന്നേരം അഞ്ചുവരെ ഡെയറിയിൽ നടന്നു വരുന്ന ദിവസേന പ്രവർത്തനങ്ങൾ നേരിട്ടറിയാനുള്ള അവസരമാണ് സന്ദർശകർക്കായി ഒരുക്കിയിരിക്കുന്നത്. മിൽമ തിരുവനന്തപുരം മേഖലാ യൂണിയന്റെ ആഭിമുഖ്യത്തിലാണ് പരിപാടി.
ഇന്ത്യയിലെ ധവള വിപ്ലവത്തിന് നേതൃത്വം നൽകിയ ഡോ. വർഗീസ് കുര്യന്റെ ജന്മദിനമായ നവംബർ 26 ദേശീയ ക്ഷീരദിനമായി ആചരിക്കുന്നതിന്റെ ഭാഗമായി നടത്തുന്ന പരിപാടിയാണ് ഇത്.
ഡെയറിയിൽ പാൽ സ്വീകരിക്കുന്നതിൽ നിന്ന് പായ്ക്കിംഗ് വരെയും വിപണിയിലെത്തുന്നതുവരെ നടന്നു വരുന്ന മുഴുവൻ പ്രക്രിയയും ആധുനിക സാങ്കേതിക വിദ്യകളുടെ ഉപയോഗവും സന്ദർശകർക്ക് അടുത്തറിയാൻ അവസരമുണ്ടാകും. മിൽമയുടെ നെയ്യ്, വെണ്ണ, ഐസ്ക്രീം, തൈര്, പനീർ, സംഭാരം എന്നിവ ഉൾപ്പെടെയുള്ള ഉൽപ്പന്നങ്ങളുടെ നിർമാണ ഘട്ടങ്ങളും സന്ദർശകർക്ക് കാണാനാകും. അതോടൊപ്പം, പ്രത്യേക ദിവസങ്ങളായ 24, 25 തീയതികളിൽ മിൽമ ഉത്പന്നങ്ങൾ ആകർഷകമായ ഡിസ്കൗണ്ട് നിരക്കിൽ വാങ്ങാനും സാധിക്കും.
ക്ഷീരദിനാഘോഷങ്ങളുടെ ഭാഗമായി വിവിധ മത്സരങ്ങളും സംഘടിപ്പിച്ചിട്ടുണ്ട്. ജില്ലയിലെ ഹൈസ്കൂൾ, ഹയർ സെക്കൻഡറി വിദ്യാർത്ഥികൾക്കായി ക്വിസ് മത്സരം 21-നു, പെയിന്റിംഗ് മത്സരം 22-നു നടക്കും. അമ്പലത്തറയിലെ മിൽമ ഡെയറിയിൽ രാവിലെ 9.30 മുതലാണ് മത്സരങ്ങൾ ആരംഭിക്കുന്നത്. പങ്കെടുക്കാൻ ആഗ്രഹിക്കുന്നവർ നവംബർ 20-ന് മുമ്പ്
[email protected] എന്ന ഇമെയിലിൽ രജിസ്റ്റർ ചെയ്യണം.കൂടുതൽ വിവരങ്ങൾക്ക്: 0471-2382192
