അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മണിയൂർ: മണിയൂർ എളമ്പിലാട് മീത്തലെപൊയിൽ സ്വദേശിയായ വിരമിച്ച അധ്യാപകൻ എം.പി. വിജയൻ (70) പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പോലീസ് അറസ്റ്റ് ചെയ്തു. വടകര ഡിവൈഎസ്പി എ. ഉമേഷ് നയിച്ച അന്വേഷണ സംഘമാണ് പ്രതിയെ പിടികൂടിയത്.
ഒക്ടോബർ 20-ന് മണിയൂർ പഞ്ചായത്ത് കലോത്സവത്തിനിടെ പെൺകുട്ടിയെ പീഡിപ്പിച്ചെന്നാരോപിച്ച വിജയൻ, സംഭവത്തിന് ശേഷം ഒളിവിൽ പോവുകയായിരുന്നു. പ്രതി പിടിയിലാകാതെ നീണ്ടതോടെ സംഭവം ശക്തമായ രാഷ്ട്രീയ വിവാദങ്ങൾക്ക് വഴിവെച്ചു. പ്രതിയെ ഉടൻ അറസ്റ്റ് ചെയ്യണമെന്നാവശ്യപ്പെട്ട് ഭരണ-പ്രതിപക്ഷ കക്ഷികൾ മണിയൂർ പഞ്ചായത്ത് ഓഫിസിലേക്കും പയ്യോളി പോലീസ് സ്റ്റേഷനിലേക്കും പ്രതിഷേധ മാർച്ചുകൾ സംഘടിപ്പിച്ചിരുന്നു.
ഇതിനിടെ വിജയന്റെ ജാമ്യാപേക്ഷ കോടതി നേരത്തെ തള്ളിയിരുന്നു. തുടർന്ന് നടന്ന തിരച്ചിലിലാണ് ഇയാൾ ഒടുവിൽ പൊലീസ് പിടിയിലായത്.
