അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഷാർജ: കിർഗിസ്താനിലേക്കുള്ള യാത്ര തടസ്സപ്പെട്ടതോടെ മെഡിക്കൽ വിദ്യാർത്ഥികളടക്കം 28 പേർ ഷാർജ വിമാനത്താവളത്തിൽ കുടുങ്ങിക്കിടക്കുകയാണ്. ഇവരിൽ 15 പേർ മലയാളികളാണ്. ബുധനാഴ്ച രാത്രിയാണ് ഇവർ ഇന്ത്യയിൽ നിന്നു പുറപ്പെട്ടത്. ഒരു ദിവസത്തിലേറെയായി യുഎഇ വിമാനത്താവളങ്ങളിൽ ഇവർ കഴിയുകയാണ്.
കൊച്ചിയും ബംഗളൂരും തുടങ്ങിയ നഗരങ്ങളിൽ നിന്ന് എയർ അറേബ്യ വിമാനത്തിൽ യാത്ര ചെയ്തവരെയാണ് ദുരിതമനുഭവിക്കുന്നത്. മൂടൽമഞ്ഞ് ബാധിച്ചതിനെ തുടർന്ന് ഇവരെ ആദ്യം ദുബൈ വിമാനത്താവളത്തിൽ ഇറക്കി. 12 മണിക്കൂറിന് ശേഷം ഷാർജയിലേക്ക് മാറ്റി.
ഏകദേശം 16 മണിക്കൂറിലേറെയായി ഷാർജ വിമാനത്താവളത്തിൽ കഴിയുന്ന യാത്രക്കാർക്ക് ഭക്ഷണവും താമസവും ലഭ്യമാക്കിയിട്ടില്ല എന്നതാണ് പ്രധാന പരാതി. യാത്ര പുനരാരംഭിക്കുന്നതിനെ കുറിച്ച് വ്യക്തമായ വിവരങ്ങൾ ഇതുവരെ ലഭ്യമല്ല.
