അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കയ്പമംഗലം: വീട്ടുമുറ്റത്ത് പാർക്ക് ചെയ്ത് വെച്ചിരുന്ന കാറിനുള്ളിലേക്ക് മൂർഖൻ പാമ്പ് കയറിക്കൂടിയ സംഭവത്തിൽ താമസക്കാരിൽ ഭയം പരത്തി. കാളമുറി പടിഞ്ഞാറ് അകംമ്പാടം കുഴിക്കണ്ടത്തിൽ അബ്ദുൽകരീമിന്റെ വീടിനുമുമ്പുള്ള പോർച്ചിൽ നിർത്തിയിരുന്ന കാറിലാണ് പാമ്പ് ഉണ്ടായിരുന്നത്.
ഇന്നലെ ഉച്ചയ്ക്കോടെയായിരുന്നു സംഭവം. കാറിന്റെ ബോണറ്റിലാണ് മൂർഖൻ പാമ്പ് കൂടിയിരുന്നത്. സ്ഥിതിഗതികൾ മനസിലാക്കിയ വീട്ടുകാർ ഉടൻ ഫോറസ്റ്റ് വിഭാഗത്തെ വിവരം അറിയിക്കുകയും തൽക്ഷണം രക്ഷാപ്രവർത്തന സംഘം സ്ഥലത്തെത്തുകയും ചെയ്തു.
ചാലക്കുടി ഫോറസ്റ്റ് വിഭാഗത്തിന്റേതായ ആർ.ആർ.ടി അംഗം അൻസാരി കുളിമുട്ട പാമ്പിനെ സുരക്ഷിതമായി പിടികൂടി. പിടികൂടിയ പാമ്പിനെ വനപാലകരുടെ കൈകളിലേക്ക് കൈമാറും.
ഗ്രാമപ്രദേശങ്ങളിൽ പാമ്പുകളുടെ സാന്നിധ്യം വർധിക്കുന്ന സാഹചര്യത്തിൽ വീടുകൾ, വാഹനങ്ങൾ എന്നിവ സൂക്ഷ്മമായി പരിശോധിക്കണമെന്ന് ഫോറസ്റ്റ് വകുപ്പ് മുന്നറിയിപ്പും നൽകി.
