അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശബരിമലയിൽ മണ്ഡലകാല തീർഥാടകരുടെ വൻ തിരക്ക് തുടരുന്നു. ഈ മണ്ഡലകാലം ആരംഭിച്ച് ദിവസങ്ങൾക്കകം തന്നെ 10 ലക്ഷം തീർഥാടകർ ദർശനം നടത്തി മടങ്ങിയതായി കണക്കുകൾ വ്യക്തമാക്കുന്നു.
സന്നിധാനത്തെയും പമ്പയിലെയും തിരക്ക് കണക്കിലെടുത്ത് സ്പോട്ട് ബുക്കിങ് പ്രതിദിനം 5000 എന്നതിൽ നിന്ന് വർദ്ധിപ്പിക്കാൻ പ്രത്യേക സമിതി തീരുമാനിച്ചു.
കാനന പാത വഴി വരുന്ന ഭക്തർക്ക് വേണ്ടി 5000-ത്തിന് പുറമെ 500 സ്പോട്ട് ബുക്കിങ് കൂടി അധികമായി അനുവദിച്ചിട്ടുണ്ട്. വിർച്വൽ ക്യൂ വഴി ബുക്ക് ചെയ്തവർക്ക്, ദർശനം സുഗമമാക്കാൻ സമയക്രമം കർശനമായി പാലിക്കണമെന്നും അധികൃതർ നിർദേശം നൽകി.
സന്നിധാനത്തേക്ക് അനധികൃത പാത വഴി ഭക്തർ വരുന്നില്ലെന്ന് ഉറപ്പുവരുത്താൻ വേണ്ട നടപടികളും ആരംഭിച്ചിട്ടുണ്ട്.
