അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അബുദാബി: ആരോഗ്യ-ശുചിത്വ മാനദണ്ഡങ്ങൾ പാലിക്കാത്തതിനാൽ റെസ്റ്റോറന്റുകൾ, ഗ്രോസറികൾ, സൂപർ മാർക്കറ്റുകൾ ഉൾപ്പെടെ 37 സ്ഥാപനങ്ങളെ ഈ വർഷം പൂട്ടാൻ നിർദേശം നൽകിയതായി അബുദാബി അഗ്രികൾച്ചർ ആൻഡ് ഫുഡ് സേഫ്റ്റി അതോറിറ്റി അറിയിച്ചു. അബുദാബിയിലേത് മാത്രം അല്ല, അൽഐൻ, അൽദഫ്റ മേഖലകളിലും സമാനമായ ലംഘനങ്ങൾ കണ്ടെത്തി നടപടി സ്വീകരിച്ചു.
പരിശോധനകളിൽ കണ്ടെത്തിയ നിയമലംഘനങ്ങളിൽ ഭൂരിഭാഗവും പൊതുശുചിത്വവുമായി ബന്ധപ്പെട്ടവയാണെന്ന് അധികൃതർ വ്യക്തമാക്കി. ഭക്ഷ്യവസ്തുക്കളുടെ സുരക്ഷിത കൈകാര്യം, സംഭരണം, ശുചിത്വം തുടങ്ങിയ നിർദ്ദേശങ്ങൾ പാലിക്കാതിരുന്നവരാണ് കുടുങ്ങിയത്. പൊതുജനാരോഗ്യത്തിന് ഭീഷണിയാകുന്ന രീതിയിലുള്ള അനാസ്ഥകളാണ് ശ്രദ്ധയിൽപ്പെട്ടത്.
അധികാരികൾ മുന്നറിയിപ്പ് നൽകി -നിയമം പാലിക്കാത്തവർക്കെതിരെ തുടർച്ചയായ പരിശോധനയും കർശന നടപടികളും തുടരുന്നതായിരിക്കും. ഇതു വഴി ഉപഭോക്താക്കളുടെ ആരോഗ്യ സംരക്ഷണമാണ് ലക്ഷ്യമെന്നും അതോറിറ്റി വ്യക്തമാക്കി.
ഭക്ഷ്യസ്ഥാപനങ്ങളിൽ നിയമലംഘനങ്ങൾ കണ്ടാൽ 800555 എന്ന ടോൾഫ്രീ നമ്പറിലൂടെ ഉടൻ വിവരം അറിയിക്കാമെന്നും പൊതുജനങ്ങളെ പ്രോത്സാഹിപ്പിച്ചു.
