അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മധുരമുള്ള പലഹാരങ്ങൾ കഴിക്കാൻ പലർക്കും വളരെ ഇഷ്ടമാണ്. അങ്ങനെ മധുരം ഇഷ്ടപ്പെടുന്നവർക്കായി ഇതാ ഒരു അടിപൊളി പലഹാരം. പേര് പോലെ തന്നെ തികച്ചും വെറൈറ്റി വിഭവം തന്നെയാണിത്. മറ്റൊന്നുമല്ല കുട്ടികള് ഏറെ ഇഷ്ടപ്പെടുന്ന നല്ല പഞ്ഞിപോലുള്ള ഡോനട്ട് ഉണ്ടാക്കാം.
ചേരുവകൾ :
മൈദ – 300 ഗ്രാം (2 1/4 കപ്പ് )
പഞ്ചസാര – 50 ഗ്രാം (1/4 കപ്പ് )
ചെറുചൂട് പാൽ – 120 എംൽ (1/2 കപ്പ് )
ഉപ്പില്ലാത്ത ബട്ടർ (ഉരുക്കിയത് ) – 50 ഗ്രാം (1/4 കപ്പ് )
ഉപ്പ് – 1/4 ടീസ്പൂൺ
യീസ്റ്റ് – 2 ടീസ്പൂൺ
മുട്ട – 1
തയ്യാറാക്കുന്ന വിധം :
ഒരു ബൗളിലോട്ട് ചെറുചൂട് പാലും യീസ്റ്റും കൂട്ടിചേർക്കുക. ഇത് മാറ്റി വയ്ക്കുക. 5 – 10 മിനിറ്റ് കഴിയുമ്പോൾ ഇത് പുളിച്ച് പൊങ്ങുന്നതാണ്. പുളിച്ച് പൊങ്ങിയശേഷം ഇതിലേക്ക് ഉരുക്കിയ ബട്ടറും മുട്ടയും ചേർത്ത് യോജിപ്പിക്കുക. വേറൊരു ബൗളിൽ മൈദ, ഉപ്പ് പഞ്ചസാര എന്നിവ ചേർത്ത് നന്നായി യോജിപ്പിക്കുക. ഇതിൽ യീസ്റ്റ് മിശ്രിതം ചേർത്ത് നന്നായി കുഴച്ചെടുക്കുക. സ്റ്റാൻഡ് മിക്സർ/ഹാൻഡ് മിക്സർ അഥവാ കൈകൊണ്ട് തന്നെ നന്നായി കുഴച്ച് എടുക്കാവുന്നതാണ്.കുഴച്ചെടുത്ത ഈ മാവ് ഒരു എണ്ണ തടവിയ ബൗളിലോട്ട് മാറ്റി ഒരു മണിക്കൂർ അടച്ച് വയ്ക്കുക. ഒരു മണിക്കൂറിനുശേഷം പൊങ്ങിയ മാവ് എടുത്ത് ഒന്നുകൂടി കുഴച്ചു 1/2 ഇഞ്ച് കട്ടിയിൽ പരത്തി എടുക്കാം. ഡോനട്ട് കട്ടർ ഉപയോഗിച്ച് കട്ട് ചെയ്ത് എടുക്കുക. ഇത് ഒരു ട്രെയിലേക്ക് വെച്ച് വീണ്ടും പൊങ്ങാൻ മാറ്റിവയ്ക്കുക.ചട്ടിയിൽ എണ്ണ ഒഴിച്ച് ചൂട് ആകുമ്പോൾ തയാറാക്കി വച്ചിരിക്കുന്ന ഡോനട്ട് ഇട്ട് ചെറുതീയിൽ വറുത്ത് എടുക്കാം.വറുത്ത് എടുത്ത ഈ ഡോനട്ട് ചെറുചൂടോടെ പഞ്ചസാര പൊടിയിലോ, ചോക്ലേറ്റിലോ മുക്കി ഇഷ്ട്ടം അനുസരിച്ച് എടുക്കാവുന്നതാണ്.
