വാഴപ്പിണ്ടി കൊണ്ട് ചമ്മന്തിയോ ?

വാഴപ്പിണ്ടി കൊണ്ട് തോരൻ മാത്രമല്ല അസ്സൽ ചമ്മന്തിയുമുണ്ടാക്കാം വാഴപ്പിണ്ടികൊണ്ട്. വെള്ളം ചേർക്കാതെ അരച്ചെ‌ടുക്കാൻ പ്രത്യേകം ശ്രദ്ധിക്കണേ.

ചേരുവകൾ

പിണ്ടി – 1/4 കപ്പ്‌

പച്ചമുളക് – 3 എണ്ണം

കൊച്ചുള്ളി – 6 എണ്ണം

വാളൻ പുളി – ചെറിയ ഒരു നെല്ലിക്ക വലുപ്പത്തിൽ

കറിവേപ്പില

ഇഞ്ചി – ചെറിയ ഒരു പീസ്

തേങ്ങ ചിരകിയത് – 2 tbsp

ഉപ്പ്

തയാറാക്കുന്ന വിധം

ആദ്യം പിണ്ടി ചെറിയ പീസ് ആയി മുറിച്ച് അല്പം ഉപ്പും ചേർത്ത് നന്നായി പിഴിഞ്ഞ് മാറ്റി വെയ്ക്കണം. എന്നിട്ട് മുകളിൽ പറഞ്ഞിരിക്കുന്ന ചേരുവകൾ കൂടി ചേർത്ത് ഒട്ടും വെള്ളം ചേർക്കാതെ അരച്ചെടുക്കണം.