അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.യുറേഷ്യയിൽ സ്ഥിതി ചെയ്യുന്ന ഒരു പർവതനിരയാണ് യുറൽ പർവതനിരകൾ അഥവാ യുറാൽസ്. പ്രധാനമായും റഷ്യയിലൂടെ കടന്നുപോകുന്നു. ഭൂമിശാസ്ത്രപരമായി, ഈ പർവതനിര യൂറോപ്പിനും ഏഷ്യയ്ക്കും ഇടയിലുള്ള അതിർത്തിയായി മാറുന്നു. പതിറ്റാണ്ടുകൾക്ക് മുമ്പ് വളരെ വിചിത്രവും നിഗൂഢവുമായ ഒരു സംഭവത്തിന് വേദിയായ ഒരു പർവതനിരയാണിത്.
1959 ഫെബ്രുവരിയിൽ സോവിയറ്റ് യൂണിയനിലെ (റഷ്യ), യുറൽ പർവതനിരകളിൽ ദുരൂഹമായ സാഹചര്യത്തിൽ 9വിദ്യാർത്ഥികൾ മരണപ്പെടുന്നു. അനുഭവസമ്പന്നരായ ആ പർവ്വതാരോഹകരുടെ മരണം ഇന്നും നിഗൂഢമായി തുടരുന്നു. ഡയറ്റ്ലോവ് പാസ് സംഭവം എന്ന പേരിൽ അറിയപ്പെടുന്ന ഈ സംഭവം ചരിത്രത്തിലെ ഏറ്റവും ഇരുണ്ട പർവ്വതാരോഹണ ഏടുകളിൽ ഒന്നാണ്.
ലോകത്തിൽ ചില സംഭവങ്ങൾ ശാസ്ത്രവും അന്വേഷണങ്ങളും ഇന്നുവരെ പൂർണ്ണമായി വിശദീകരിക്കാനാവാത്തവയാണ്. 1959-ൽ ഉറാൽ മലനിരകളിൽ 9 യുവ ഹൈക്കർമാർ പോയ യാത്ര അതിൽ ഏറ്റവും രഹസ്യമായി നിലനിൽക്കുന്നതാണ് ഒന്നാണ്. കാണാതായ 9 പേരെ തിരഞ്ഞു അവസാനം അവരുടെ ടെന്റ് കണ്ടെത്തിയപ്പോൾ… ടെന്റ് അകത്ത് നിന്ന് ഓപ്പൺ ചെയ്ത്, അവർ എന്തിനെയോ ഭയപ്പെട്ട് പുറത്തേക്ക് ഓടിയതിന്റെ തെളിവുകൾ ലഭിച്ചു.
മൈനസ് 30°C തണുപ്പിൽ ചിലരുടെ ബോഡി വസ്ത്രമില്ലാതെയും, ചിലരുടെ ശരീരത്തിൽ ചെരുപ്പോ ജാക്കറ്റോ ഒന്നുമില്ലാതെ … വെറും അടിവസ്ത്രം മാത്രമായുമാണ് കണ്ടെത്തിയത് എന്ത് കണ്ട് പേടിച്ചിട്ടായിരിക്കും ഇവർ ഇങ്ങനെ ഇറങ്ങി ഓടിയത്….?
മൂന്ന് പേരുടെ മൃതശരീരങ്ങളിൽ കാണപ്പെട്ട അത്ഭുതകരമായ പരിക്ക്:പൊട്ടിയ റിബ്സ് തകർന്ന അസ്ഥികൾ അകത്തെ അവയവങ്ങൾക്ക് വാഹനാപകടം പോലുള്ള ആഘാതം പക്ഷേ… പുറത്തൊന്നും ഒരു മുറിവുകൾ പോലുമില്ല. ഇത് അന്വേഷിച്ച പോലീസ്, ഡോക്ടർമാർ, ശാസ്ത്രജ്ഞർ പോലും ഞെട്ടി. രണ്ട് പേരുടെ വസ്ത്രങ്ങളിൽ അസാധാരണമായ റേഡിയേഷൻ കണ്ടെത്തിയത് മറ്റൊരു രഹസ്യം..
ഇത് എവിടെ നിന്ന്…? എങ്ങനെ..? ഇന്നുവരെ ഈ സംഭവം എന്തുകൊണ്ടാണ് സംഭവിച്ചതെന്ന് ആർക്കും ഉറപ്പായി പറയാൻ കഴിഞ്ഞിട്ടില്ല.
സൈനിക പരീക്ഷണമോ..? ഐസ് സ്ലാബ് തകർച്ചയോ..? മനസ്സിനെ ബാധിച്ച “ഇൻഫ്രാസൗണ്ട്” ഭയംമോ…? അതോ… എന്തോ നമ്മൾ അറിയാത്ത ഒരു രഹസ്യമോ..?
