അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചെറുപയർ, കടല, പരിപ്പുവർഗ്ഗങ്ങൾ എന്നിവകഴിക്കുന്നവരിൽ ഗ്യാസ്, വയറുവേദന തുടങ്ങി ഒട്ടേറെ ദഹനപ്രശ്നങ്ങൾ കണ്ടു വരാറുണ്ട്. ഈയൊരു പ്രശ്നം തടയാനായാൽ എപ്പോൾ വേണമെങ്കിലും ഇവ കഴിക്കാനാകും. ഭാഗ്യവശാൽ ഇത്തരം ബുദ്ധിമുട്ടുകൾ തടയാനായി ഒട്ടേറെ മാർഗങ്ങൾ ഉണ്ട്.
പാചകം ചെയ്യും മുൻപ് ചെറുപയറും കടലയും മറ്റും കുതിർക്കുന്നത് ഇവയിലെ റാഫിനോസിന്റെ അളവ് ഗണ്യമായി കുറയ്ക്കും. കൂടാതെ, ബീൻസ്, മറ്റ് പയർവർഗ്ഗങ്ങൾ എന്നിവയുടെ ദഹനം സുഗമമാക്കാൻ സഹായിക്കുന്ന ആൽഫ ഗാലക്റ്റോസിഡേസ് അടങ്ങിയ സപ്ലിമെന്റുകൾ വൈദ്യനിർദ്ദേശപ്രകാരം ഉപയോഗിക്കുന്നതും ഗുണം ചെയ്യും.
ഈ ഡയറ്ററി ഫൈബർ വൻകുടലിൽ എത്തിയാൽ, അത് അവിടെ വസിക്കുന്ന ചെയ്യുന്ന ബാക്ടീരിയകളാൽ പുളിപ്പിക്കപ്പെടുന്നു. ഈ പ്രക്രിയയുടെ ഉപോൽപ്പന്നമാണ് ഗ്യാസ്. വലിയ അളവിൽ നാരുകൾ കഴിക്കുന്നത് വയറിളക്കം, വയറുവേദന, അസ്വസ്ഥത എന്നിവയുൾപ്പെടെയുള്ള ഒട്ടേറെ പ്രശ്നങ്ങൾക്കും വഴിവയ്ക്കും.
ശ്രദ്ധിക്കേണ്ട മറ്റൊരു കാര്യം, ഒറ്റയടിക്ക് ഇത്തരം ഭക്ഷണസാധനങ്ങൾ ഒരുപാട് കഴിക്കാൻ പാടില്ല എന്നതാണ്. ദിവസേന കഴിക്കണം എന്നുണ്ടെങ്കിൽ അളവ് പതിയെപ്പതിയെ വർധിപ്പിച്ചു കൊണ്ടു വരുന്നതാണ് സുരക്ഷിതം.
