അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കെഎസ്ആർടിസി ബസ്സ്റ്റാൻഡിൽ പെൺകുട്ടിയോട് അശ്ലീലം പറഞ്ഞ യുവാവിന്റെ തല പെൺകുട്ടിയുടെ സുഹൃത്ത് അടിച്ചു പൊട്ടിച്ചു. ഇന്നലെ 10 മണിയോടെയായിരുന്നു സംഭവം. ചങ്ങനാശേരി സ്വദേശിക്കാണ് പരുക്കേറ്റത്. പെൺകുട്ടി സുഹൃത്തായ യുവാവിനെ ഫോണിൽ വിളിച്ചു വിവരം പറയുകയായിരുന്നു. സ്ഥലത്ത് എത്തിയ സുഹൃത്തും അശ്ലീലം പറഞ്ഞ യുവാവും തമ്മിൽ സ്റ്റാൻഡിന് പുറത്തു വാക്കേറ്റമായി. ഇതിനിടെ യുവാവ് പാന്റിന്റെ പോക്കറ്റിൽ സൂക്ഷിച്ചിരുന്ന ഇരുമ്പ് ചങ്ങല ഉപയോഗിച്ചു പെൺകുട്ടിയുടെ സുഹൃത്തായ യുവാവിനെ മർദിക്കാൻ ഒരുങ്ങി. ചങ്ങല പിടിച്ചു വാങ്ങിയ സുഹൃത്ത് ഇത് ഉപയോഗിച്ചു യുവാവിന്റെ തലയ്ക്ക് അടിക്കുകയായിരുന്നു. അശ്ലീലം പറഞ്ഞ യുവാവിന്റെ ഇടതു നെറ്റിയിൽ മുറിവേറ്റു. തിരുവല്ല സ്റ്റേഷനിൽനിന്നു പൊലീസ് എത്തി ഇരുവരെയും കസ്റ്റഡിയിലെടുത്തു.
