അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഓടിയോടി അങ്ങനെ KSRTC അവരുടെ ചരിത്രപരമായ നേട്ടം കൈവിരിച്ചിരിക്കുകയാണ്. 10 കോടി എന്ന സ്വപ്നസമാനമായ നേട്ടത്തില് KSRTC ജീവനക്കാരുടെയും മാനേജ്മെന്റിന്റെയും വകുപ്പു മന്ത്രിയുടെയും സന്തോഷത്തില് പങ്കു ചേരുന്നു. ടിക്കറ്റ് വരുമാനം 9,50 കോടി വരെയൊക്കെ എത്തിക്കാന് സാധിച്ചിട്ടുണ്ട്. എന്നാല്, പത്തുകോടിയെന്ന സ്വപ്ന സംഖ്യയിലേക്ക് KSRTCയെ പിടിച്ചുയര്ത്താന് സാധിച്ചത് ഇപ്പോഴാണ്. നിതാന്ത പരിശ്രമവും, ട്രിപ്പുകള് മുടക്കാതെയും, ജീവനക്കാരെ ചേര്ത്തു നിര്ത്തിയുമൊക്കെയാണ് KSRTC ഈ ചരിത്ര നേട്ടം കൈവരിച്ചത്. ഇന്നലെയാണ് ടിക്കറ്റ് വരുമാനത്തില് 10.77 കോടി രൂപ നേടി KSRTC ചരിത്രം സൃഷ്ടിച്ചത്. ടിക്കറ്റിതര വരുമാനം 77 ലക്ഷം രൂപയും ചേര്ത്ത് ആകെ വരുമാനം 11.53 കോടി രൂപയാണ്.
ഇനി ഇതിനു താഴേയ്ക്കു പോകാനാവില്ല. കടംപറ#്ഞും, കടത്തിന്റെ കഥകള് കേട്ടും നട്ടംതിരിഞ്ഞ ദിവസങ്ങള്ക്കെല്ലാം പതിയെപ്പതിയെ വിട ചൊല്ലാന് പോകുന്നുവെന്ന് പ്രതീക്ഷിക്കാം. പുതിയ വണ്ടികള്, യാത്രക്കാരുടെ വര്ദ്ധന, ജീവനക്കാരുടെ നല്ല പെരുമാറ്റം, യാത്രക്കാരെ കൂടുതല് ആകര്ഷിക്കല്, ടൂറിസം പദ്ധതിയുമായി സഹകരിക്കല്, മികച്ച സേനവ സൗകര്യങ്ങള്, KSRTC ജീവനക്കാരുടെ കൃത്യമായ ശമ്പളം ഇവയെല്ലാം കുതിച്ചു ചാട്ടത്തിന് കാരണമായിട്ടുണ്ട്. അപ്പോഴും മറന്നു പോകാന് പാടില്ലാത്തൊരു കാര്യം ജീവനക്കാരുടെ നെട്ടോട്ടമാണ്. അവരുടെ വിശ്രമമില്ലാത്ത ഓട്ടപ്പാച്ചിലിന്റെ ഫലം തന്നെയാണ് ഈ നേട്ടം. ഈ വലിയ നേട്ടത്തിന്റെ ഭാഗമായി KSRTC എംഡി. പ്രമോജ് ശങ്കര് യാത്രക്കാരോടും, വകുപ്പു മന്ത്രിയോടും, ജീവനക്കാരോടും നന്ദി പറഞ്ഞിട്ടുണ്ട്.
അദ്ദേഹത്തിന്റെ വാക്കുകള് ഇങ്ങനെ
KSRTCചരിത്രത്തിലെ ഏറ്റവും വലിയ പ്രതിദിന ടിക്കറ്റ് വരുമാന നേട്ടം ( ഓപ്പറേറ്റിംഗ് റവന്യു ). 2025 ഡിസംബര് 15-ാം തീയതിയാണ് എക്കാലത്തെയും മികച്ച പ്രതിദിന ടിക്കറ്റ് വരുമാനമായ 10.77 കോടി നേടിയത്. ടിക്കറ്റിതര വരുമാനം 0.76 കോടി രൂപ ഉള്പ്പെടെ 11.53 കോടി രൂപയാണ് 15.12.2025 ല് കെഎസ്ആര്ടിസിയുടെ ആകെ വരുമാനം. ജീവനക്കാരുടെയും, സൂപ്പര്വൈസര്മാരുടെയും, ഓഫീസര്മാരുടെയും ഏകോപിതമായ പരിശ്രമങ്ങളിലൂടെയാണ് തുടര്ച്ചയായി മികച്ച വരുമാനം നേടി മുന്നേറുന്നതിന് കെഎസ്ആര്ടിസിക്ക് സഹായകരമാകുന്നത്. കഴിഞ്ഞവര്ഷം ഇതേ ദിവസം (16.12.2024) 8.57 കോടി രൂപയായിരുന്നു ടിക്കറ്റ് വരുമാനം. കഴിഞ്ഞവര്ഷം നിലനിന്നിരുന്ന സമാന സാഹചര്യത്തിലും ടിക്കറ്റ് നിരക്കില് വര്ദ്ധനവില്ലാതെയും പ്രവര്ത്തനം മെച്ചപ്പെടുത്തിയാണ് ഈ വലിയ ലക്ഷ്യം കെഎസ്ആര്ടിസി കൈവരിച്ചത്.
ഗതാഗത വകുപ്പ് മന്ത്രിയുടെ കാലോചിതമായ പരിഷ്ക്കരണ നടപടികളും, കെഎസ്ആര്ടിസി മാനേജ്മെന്റിന്റെ നേതൃത്വത്തില് നടത്തിയ തുടര് പ്രവര്ത്തനങ്ങളും സ്വയംപര്യാപ്ത കെഎസ്ആര്ടിസി എന്ന ലക്ഷ്യത്തിലേക്കുള്ള വലിയ മുന്നേറ്റത്തിന് നിര്ണായകമായി. പുതിയ ബസുകളുടെ വരവും, സേവനങ്ങളില് കൊണ്ടുവന്ന ഗുണപരമായ മാറ്റങ്ങളും യാത്രക്കാരില് വന് സ്വീകാര്യത നേടിയിട്ടുണ്ട്. ചിട്ടയായ പ്രവര്ത്തനങ്ങളിലൂടെ കെഎസ്ആര്ടിസിയുടെ എല്ലാ ഡിപ്പോകളും നിലവില് പ്രവര്ത്തന ലാഭത്തിലാണ്. മികച്ച ടിക്കറ്റ് വരുമാനം നേടുന്നതിനായി കെഎസ്ആര്ടിസി നിശ്ചയിച്ചു നല്കിയിരുന്ന ടാര്ജറ്റ് നേടുന്നതിനായി ഡിപ്പോകളില് നടന്ന മത്സരബുദ്ധിയോടെയുള്ള പ്രവര്ത്തനങ്ങളും ഓഫ് റോഡ് കുറച്ച് പരമാവധി ബസുകള് നിരത്തിലിക്കാനായതും സേവനങ്ങളില് കൊണ്ടുവന്ന ഗുണപരമായ മാറ്റങ്ങളും വരുമാനം വര്ദ്ധിക്കുന്നതിന് കാരണമായിട്ടുണ്ട്.
കെഎസ്ആര്ടിസിയുടെ തുടര്ച്ചയായ, അഭിമാനകരമായ മുന്നേറ്റങ്ങള്ക്കായി അക്ഷീണം പ്രയത്നിക്കുന്ന മുഴുവന് ജീവനക്കാരോടും, വിശ്വാസ്യത പുലര്ത്തി കെഎസ്ആര്ടിസിയോടെപ്പം നില്ക്കുന്ന യാത്രക്കാരോടും, പിന്തുണ നല്കുന്ന ഓരോരുത്തരോടും കെഎസ്ആര്ടിസിയുടെ പേരില് നന്ദി അറിയിക്കുന്നു.
KSRTCയില് കേട്ടിരുന്ന ഏറ്റവും വലിയ പ്രശ്നം മിസ്മാനേജ്മെന്റാണ്. വരുമാനം കൂടുമ്പോള്, രാഷ്ട്രീയ അതിപ്രസരവും, യൂണിയന്റെ അമിത ഇടപെടലുകളും ഉദ്യോഗസ്ഥരുടെ തന്പ്രമാണിത്തവും കൊണ്ട് വീണ്ടും വരുമാനം താഴേക്കു കൂപ്പുകുത്തരുത്. ഇപ്പോഴത്തെ സ്ട്രാറ്റജി നിലനിര്ത്താനെങ്കിലും സാധിക്കണം. എങ്കില് യാത്രക്കാരും ഓപ്പം നില്ക്കുമെന്നതില് തര്ക്കമില്ല. KSRTC ജീവനക്കാരെ മാനേജ്മെന്റ് വിശ്വാസത്തിലെടുക്കുക എന്നതാണ് പ്രധാനം. യാത്രക്കാരോട് മാന്യമായി ഇടപെടുന്നവരെ പ്രോത്സാഹിപ്പിക്കുകയും വേണം. ഇങ്ങനെയുള്ള മാറ്റങ്ങള് കൂടുതല് കൂടുതല് യാത്രക്കാരെ KSRTCയിലേക്ക് അടുപ്പിക്കാന് ഉപകരിക്കും.
ഗതാഗതമന്ത്രിയുടെ ഇടപെടലുകള് അഭിനന്ദനവും വിമര്ശനവും ഉയര്ത്തുന്നുണ്ട്. എങ്കിലും വരുമാനം വര്ദ്ധിച്ചാല്, അത് മന്ത്രിയുടെ നേട്ടം തന്നെയാണെന്ന് പറയാതെ വയ്യ. അദ്ദേഹത്തിന്റെ വരവോടെ, മാറ്റങ്ങള് ഉണ്ടായിട്ടുണ്ട്. അതിന്റെ ഗുണഫലങ്ങള് അറിയാനും കഴിയുന്നുണ്ട്. മന്ത്രിയ്ക്കൊപ്പം ജീവനക്കാരും നില്ക്കുന്നുണ്ടെന്നത് വസ്തുതയാണ്. ചില കാര്യങ്ങളില് മന്ത്രിക്കുണ്ടായ പോരായ്മകളും പറയാതെ വയ്യ. എങ്കിലും ഒരു കാര്യം മറക്കരുത്. വരുമാനം വര്ദ്ധിക്കുന്തോറും ജീവനക്കാര് വിശ്രമമില്ലാത്തവരായി മാറുന്നുണ്ട്. അവരുടെ ആരോഗ്യവും, മരണ നിരക്കും ഭപ്പെടുത്തുന്നുണ്ട്. വരുമാനം വര്ദ്ധിപ്പിക്കാന് ജീവനക്കാരെ കുരുതി കൊടുക്കാതിരിക്കുക എന്ന ഉത്തരവാദിത്വം ഓര്മ്മിപ്പിക്കുന്നു. അല്ലെങ്കില്, ഭാവിയില് വരുമാന വര്ദ്ധനവിനേക്കാള് മരണ നിരക്കായിരിക്കും വാര്ത്തയാവുന്നത്.
അതു മാത്രമല്ല, അവര്ക്കു നല്കാനുള്ള ആനുകൂല്യങ്ങള് പരിഗണിക്കണം. ഇനിയെങ്കിലും. കാരണം, മൂന്ന് നാല് വര്ഷം മുന്പ് ശരാശരി വരുമാനം 6 മുതല് 6.50 കോടി വരെ ആയിരുന്നു. അന്ന് പറഞ്ഞിരുന്നത് 7.50 കോടി മുതല് 8 കോടി വരെ കിട്ടിയാല് ലാഭത്തിലാകുമെന്നാണ്. എന്നാല് ഇപ്പോള് ശരാശരി വരുമാനം 8.70 കോടിയാണ്. എന്നിട്ടും ശംബള പരിഷ്കരണവുമില്ല DA യുമില്ല എന്ന പരാതി ഉരുന്നുണ്ട്. ഇതിനു മറുപടി നല്കേണ്ടത് വകുപ്പുമന്ത്രി ഗണേഷ്കുമാറാണ്. ആനുകൂല്യങ്ങള് നല്കിക്കൊണ്ടായിരിക്കണം ഈ വരുമാന വര്ദ്ധനവിനെ ആഘോഷമാെേക്കെണ്ടത്.
CONTENT HIGH LIGHTS; KSRTC nears 10th KDE: Ticket revenue hits all-time record at Rs 10.77 crore, non-ticket revenue at Rs 76 lakh; Can we forget the employees who die of heart attacks while running?
