“പട്ടി ഷോ” യ്ക്ക് സെറ്റിട്ടവരോട് സതിഭായി പറയുന്നത്: വെളുപ്പിക്കാനിറങ്ങി ‘വെറുപ്പിച്ച ഫോട്ടോ പിടുത്തം’ ; പട്ടിയെ കൂടി പിടിച്ചോളാന്‍ അവര്‍ പറഞ്ഞു; ഞാന്‍ പറഞ്ഞതൊന്നും വാര്‍ത്തയായില്ല

മരണവും മരണവീട്ടിലെ വിവരങ്ങളും റിപ്പോര്‍ട്ട് ചെയ്യുന്ന മാധ്യമ പ്രവര്‍ത്തകര്‍ വാര്‍ത്തയിലും അവിടുന്ന് എടുക്കുന്ന ചിത്രങ്ങളിലും സൂക്ഷ്മത പുലര്‍ത്താറുണ്ട്. ഇത് സ്വാഭാവിക വിവരവും സാമൂഹിക മര്യാദയുമാണ്. ഇതൊന്നും പരസ്പരം പറഞ്ഞു പഠിപ്പിക്കേണ്ട കാര്യങ്ങളല്ല. പക്ഷെ, ചിലപ്പോഴെങ്കിലും ചിലയിടങ്ങളില്‍ അത് പാലിക്കപ്പെടുന്നുണ്ടോ എന്ന് സംശയമുണ്ട്. കഴിഞ്ഞ ദിവസം പുനലൂര്‍ അച്ഛന്‍കോവില്‍ റൂട്ടില്‍ ഓടുന്ന KSRTC ബസില്‍ വെച്ച് േെനാഞ്ചുവേദന ഉണ്ടായതിനെ തുടര്‍ന്ന് ഒരു യാതച്രക്കാരന്‍ വഴിയില്‍ ഇറങ്ങുകയും അവിടെ വെച്ച് മരണപ്പെടുകയും ചെയ്തിരുന്നു. ഇത് KSRTC ജീവനക്കാരുടെ അനാസ്ഥകൊണ്ടാണെന്ന് നാട്ടുകാരും, മരണപ്പെട്ട നാരായണന്റെ ഭാര്യ സതിഭായിയും പറഞ്ഞിട്ടുണ്ട്.

എന്നാല്‍, ഇതുസംബന്ധിച്ച് മനോരമയില്‍ വന്ന ഒരു വാര്‍ത്തയും ചിത്രവും ആ കുടുംബത്തിനെ വല്ലാതെ വേദനിപ്പിക്കുകയാണ്. ഇതിനെതിരേ അവര്‍ നിയമ നടപടികളുമായി മുന്നോട്ടു പോകാനുള്ള ഒരുക്കത്തിലുമാണ്. മനോരമയില്‍ വന്ന വാര്‍ത്തയെ കുറിച്ച് സതിഭായ് പ്രതികരിക്കുകയും ചെയ്തിട്ടുണ്ട്. ‘കെ.എസ്.ആര്‍.ടി.സി ബസ് യാത്രികന്റെ മരണം പരാതിയില്ലെന്ന് ഭാര്യ: നാരായണന്‍ വഴിയില്‍ ഇറങ്ങിയത് സ്വമേധയാ’. ഇതാണ് വാര്‍ത്തയുടെ തലക്കെട്ട്. ഈ വാര്‍ത്തയ്‌ക്കൊപ്പം സതിഭായിയുടെ ഫോട്ടോയും നല്‍കിയിട്ടുണ്ട്. എന്നാല്‍, സതിഭായി ഒരു പട്ടിയെ പിടിച്ചു നില്‍ക്കുന്ന ഫോട്ടോയാണ് കൊടുത്തിരിക്കുന്നത്. ഈ ഫോട്ടോ കണ്ടാല്‍ സ്വാഭാവികമായും തോന്നുക, സതിഭായിക്ക് ഒരു വിഷമവും ഇല്ലെന്നാണ്.

ഭര്‍ത്താവിന്റെ മരണവും, മരണത്തെ തുടര്‍ന്നുണ്ടായ സംഭവങ്ങളും വിവാദങ്ങളും കെട്ടടങ്ങുന്നതിനു മുമ്പ് വീട്ടിലെ വളര്‍ത്തു പട്ടിയുമായി നില്‍ക്കുന്ന ഫോട്ടോ പത്രത്തില്‍ അച്ചടിട്ടു വന്നാല്‍ എങ്ങനെയാണ് അതിനെ പൊതു സമൂഹം വിലയിരുത്തുക. മരണ വീടുകളും, ദൂരൂഹമായി മരണപ്പെട്ടവരുടെ കുടുംബങ്ങളെയും വാര്‍ത്തകളാക്കാന്‍ റിപ്പോര്‍ട്ടര്‍മാര്‍ ശ്രമിക്കാറുണ്ട്. അത്തരം പ്രദേശങ്ങളിലും മരണം നടന്ന വീടുകളിലും പോകാറുണ്ട്. അപ്പോള്‍ എടുക്കുന്ന ഫോട്ടോകളും, തയ്യാറാക്കുന്ന റിപ്പോര്‍ട്ടുകളും മനസ്സിലാക്കാന്‍ കഴിയുന്ന വസ്തുതകളെ അടിസ്ഥാനപ്പെടുത്തിയാണ്.

എന്നാല്‍, സതിഭായി തന്നെ പറയുന്നു, താന്‍ പറഞ്ഞ കാര്യങ്ങളല്ല, വാര്‍ത്തയില്‍ വന്നിരിക്കുന്നതെന്ന്. മാത്രമല്ല,. ആ ഫോട്ടോ എടുത്തപ്പോള്‍, വളര്‍ത്തു നായയെ കൂടി പിടിച്ചു വെച്ചോളൂ എന്ന് പറയുകയും ചെയ്‌തെന്ന്. എന്തിനാണ് സതിഭായിയോട് കാര്യങ്ങള്‍ തിരക്കി റിപ്പോര്‍ട്ട് ചെയ്യാന്‍ പോയവര്‍ ഫോട്ടോയ്ക്ക് വേണ്ടി പട്ടിയെക്കൂടി പിടിച്ചോളാന്‍ പറഞ്ഞത്. മരണ വീടുകളില്‍ ഫോട്ടോ എടുക്കാന്‍ പോകുന്നവര്‍ മാധ്യമ പ്രവര്‍ത്തകര്‍ ഇത്തരം ഇടപെടലുകള്‍ നടത്താറുള്ളത്, ആ വസ്തുവിന് മരിച്ചു പോയവരുമായി അഭേദ്യമായ ബന്ധം ഉണ്ടെങ്കില്‍ മാത്രമാണ്. എന്നാല്‍, സതിഭായി തന്നെ പറയുകയാണ്, വന്നവര്‍ പറഞ്ഞിട്ടാണ് ആ പട്ടിയെ ചേര്‍ത്തു പിടിച്ചതെന്ന്. പട്ടിഷോയ്ക്ക് സെറ്റിട്ടത് ആരുടെം ബുദ്ധിയാണ്.

പട്ടികജാതി വിഭാഗത്തില്‍പ്പെട്ടവരാണ് മരിച്ച നാരായണന്‍. അവരുടെ വീട്ടിലുള്ളവരുടെ വിവരങ്ങള്‍ അറിയാന്‍ പോയവര്‍ ഭാര്യയുടെ ഫോട്ടോ എടുക്കുമ്പോള്‍ അടുത്തൊരു പട്ടികൂരി വേണമെന്ന് ചിന്തിച്ചത് എന്തിനാണ്. സതിഭായി പറഞ്ഞതിനെ മറച്ചുവെച്ചത് എന്തിനാണ്. ഭര്‍ത്താവിന്റെ മരണത്തില്‍ പരാതിയില്ല എന്ന് പറഞ്ഞത്, പോസ്റ്റുമോര്‍ട്ടം ചെയ്യാതിരിക്കാന്‍ വേണ്ടിയാണ്. സതിഭായിയുടെ വാക്കുകളില്‍ പറഞ്ഞാല്‍, മൃതദേഹത്തെ വെട്ടിക്കീറാതിരിക്കാന്‍ വേണ്ടി. എന്നാല്‍, ആ കുടുംബം നല്‍കിയ പരാതി പരിഗണിക്കാതെ, പോസ്റ്റുമോര്‍ട്ടം നടത്തിയെങ്കില്‍, പരാതിയുണ്ടാകണമായിരുന്നു. എങ്കില്‍ പരാതി ആരുടേതായിരുന്നു. സതിഭായിക്ക് പരാതിയില്ലെന്ന് എഴുതി നല്‍കിയതിനെ പരാതി ഉണ്ടെന്ന് വരുത്തിയത് ആരാണ്.

ആരുടെ പരാതിയിന്‍മേലാണ് കേസെടുത്തിരിക്കുന്നത്. നാരായണന്റെ മരണം അസ്വാഭാവികമാണോ. എങ്കില്‍ ആര്‍ക്കെതിരേയാണ് കേസ്. നാരായണന്റെ പോസ്റ്റുമോര്‍ട്ടവുമായി ബന്ധപ്പെട്ട് ഇടപെട്ടവര്‍ ആരാണ്. സാധാരണക്കാരായ, ആ വീടിന്റെ ഏക ആശ്രയമായ നാരായണന്റെ മരണം സ്വയം വരുത്തിവെച്ചതാണെന്ന് വരുത്തി തീര്‍ക്കാന്‍ ശ്രമിക്കുന്നത് ആരാണ്. ആ വിഷയത്തില്‍, സതിഭായിയുടെ ഫോട്ടോ എടുക്കാന്‍ സെറ്റിട്ടവരുടെ ദുരുദ്ദേശം മാത്രമേ ഇവിടെ ചോദ്യം ചെയ്യുന്നുള്ളൂ. മരണം നടന്ന വീടുകളില്‍, വളര്‍ത്തു മൃഗങ്ങളുമായി സല്ലപിക്കുന്ന ബന്ധുക്കളുടെ ഫോട്ടോയാണ്, മരണ വാര്‍ത്തയ്ക്ക് ഉചിതമെന്ന് തോന്നിയ ബുദ്ധി അപാരം. അതും അസ്വാഭവിക മരണത്തെ സ്വാഭാവിക മരണമാക്കാന്‍ നടത്തിയ ശ്രമത്തില്‍.

വാര്‍ത്തയെയും ആ ഫോട്ടോയും നീതീകരിക്കാനാവില്ല എന്നു തന്നെയാണ്. കാരണം, മോഹന്‍ലാലിന്റെ അമ്മ മരണപ്പെട്ടു. അമ്മയ്ക്ക് അന്തിമോപചാരം അര്‍പ്പിക്കാനെത്തുന്നവരോട് മാന്യമായി, മൃദുവായി, സങ്കടങ്ങള്‍ ഉള്ളിലൊതുക്കി, ചെറു ചിരിയോടെയാണ് ലാലേട്ടന്‍ ഇടപെടുന്നത്. ലാലേട്ടന്റെ ചിരിക്കുന്ന ഫോട്ടോ ആയിരിക്കുമോ മാധ്യമങ്ങള്‍ വാര്‍ത്തയോടൊപ്പം കൊടുക്കുക. അതോ ആ വേദനയില്‍ അമ്മയുടെ ഓര്‍മ്മയില്‍ അലിഞ്ഞു ചേര്‍ന്നിരിക്കുന്ന ലാലേട്ടന്റെ ഫോട്ടോ ആയിരിക്കുമോ കൊടുക്കുക. നടന്‍ ശ്രിനീവാസന്‍ മരണപ്പെട്ടു. ചടങ്ങളുകളും കഴിഞ്ഞു. ആ വീടിനെ കുറിച്ചും മക്കളെ കുറിച്ചും ബന്ധുക്കളെ കുറിച്ചും ഫോട്ടോ ഫീച്ചര്‍ എഴുതാന്‍ പോകുന്നവര്‍ ശ്രീനിവാസന്റെ ഭാര്യയോട് ഫോട്ടോയ്ക്ക് പോസ് ചെയ്യാന്‍ വളര്‍ത്തു മൃഗങ്ങളെ എടുക്കാന്‍ ആരെങ്കിലും ആവശ്യപ്പെടുമോ. എല്ലാവരും മനുഷ്യരാണ്. ആ പരിഗണന കൊടുക്കണമായിരുന്നു. അതാണ് സതിഭായിയുടെ ഫോട്ടോയ്ക്ക് സെറ്റിവരോട് പറയാന്‍ തോന്നുന്നത്.

CONTENT HIGH LIGHTS; Satibhai tells those who set up the ‘Dog Show’: ‘Take a photo that you hate’ when you go to whitewash; They told me to take the dog too; Nothing I said made it into the news