അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വെനസ്വേലയിൽ ഇടക്കാല പ്രസിഡന്റായി ഡെല്സി റോഡ്രിഗസ് സത്യപ്രതിജ്ഞ ചെയ്തു. പ്രസിഡന്റ് നിക്കോളാസ് മഡുറോയെ അമേരിക്ക ബന്ദിയാക്കിയ സാഹചര്യത്തിലാണ് വൈസ് പ്രസിഡന്റായിരുന്ന ഡെല്സി റോഡ്രിഗസ് രാജ്യത്തിന്റെ ചുമതല ഏറ്റെടുത്തത്.
തിങ്കളാഴ്ച്ച പ്രാദേശിക സമയം 2.50(ഇന്ത്യന് സമയം ചൊവ്വാഴ്ച്ച രാവിലെ 12)ന് കാരക്കസില് വച്ചായിരുന്നു സത്യപ്രതിജ്ഞ നടന്നത്.
വെനസ്വേല സുപ്രീം കോടതിയുടെ കോണ്സ്റ്റിറ്റ്യൂഷൻ ചേംബറാണ് ഡെല്സി റോഡ്രിഗസിനെ ചുമതലയേൽപ്പിച്ചത്.
നിക്കോളാസ് മഡുറോയുടെയും മുന്പ്രസിഡന്റ് ഹ്യൂഗോ ഷാവേസിന്റെയും സാമ്രാജ്യത്വ വിരുദ്ധ നിലപാടുകളും നയങ്ങളും ഉയര്ത്തിപ്പിടിക്കുമെന്ന് പ്രസിഡന്റ് സ്ഥാനം ഏറ്റെടുത്തതിന് പിന്നാലെ ഡെല്സി റോഡ്രിഗസ് പറഞ്ഞു. രാജ്യാന്തര നിയമങ്ങളുടെ ലംഘനമാണ് അമേരിക്കന് നടപടി. ട്രംപ് ഭരണകൂടം നടത്തിയത് തീവ്രവാദനീക്കമാണെന്നും ഡെല്സി വ്യക്തമാക്കി..
