അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രാഹുൽ മാങ്കൂട്ടത്തിൽ എംഎൽഎയ്ക്കെതിരായ മൂന്നാമത്തെ ബലാത്സംഗ പരാതിയിൽ അതീവ ഗുരുതരമായ ആരോപണങ്ങളാണ് ഉയരുന്നത്. ബലാത്സംഗത്തിന് പുറമേ നിര്ബന്ധിത ഗര്ഭഛിദ്രവും സാമ്പത്തിക ചൂഷണവും ഉള്പ്പെടെയുള്ള ആരോപണങ്ങളാണ് പുറത്തുവരുന്നത്. മൂന്ന് ആരോപണങ്ങളേയും സാധൂകരിക്കുന്ന ശക്തമായ തെളിവുകളും പരാതിക്കാരി പ്രത്യേക അന്വേഷണസംഘത്തിന് കൈമാറി.
ഭ്രൂണഹത്യയ്ക്ക് ശേഷമുള്ള മെഡിക്കല് രേഖകള്, ഭ്രൂണഹത്യയ്ക്ക് ശേഷമുള്ള സാമ്പിള്, സാമ്പത്തിക ചൂഷണത്തിനും മറ്റുമുള്ള ഡിജിറ്റല് തെളിവുകള് എന്നിവയാണ് പ്രത്യേക അന്വേഷണസംഘത്തിന് ലഭിച്ചത്. മുമ്പ് രാഹുലിനെതിരെ ഉയര്ന്ന രണ്ട് പരാതികളെ അപേക്ഷിച്ച് നേരിട്ടുള്ള കൂടുതല് തെളിവുകള് ഉള്ള കേസായതിനാല് തന്നെ എംഎല്എയ്ക്ക് കുരുക്ക് മുറുകുകയാണ്.
താന് ചതിക്കപ്പെട്ടുവെന്ന് തോന്നിത്തുടങ്ങിയ ഘട്ടത്തിലാണ് തെളിവുകള് ശേഖരിച്ച് തുടങ്ങിയതെന്നാണ് പരാതിക്കാരിയുടെ മൊഴി. ഉപതിരഞ്ഞെടുപ്പിന് തൊട്ടുമുന്പായി രാഹുല് യുവതിയുമായുള്ള ബന്ധം അവസാനിപ്പിച്ചിരുന്നു. തിരഞ്ഞെടുപ്പ് അടുത്തപ്പോള് രാഹുല് യുവതിയെ സകല ചാറ്റിങ് ആപ്പുകളിലും ഫോണിലും ബ്ലോക്ക് ചെയ്തു.
പിന്നീട് തിരഞ്ഞെടുപ്പ് വിജയത്തിന് ശേഷമാണ് മാപ്പുപറഞ്ഞ് രാഹുല് വീണ്ടും യുവതിയോട് അടുപ്പം പുനസ്ഥാപിക്കുന്നത്. ഈ കാലയളവിലാണ് രാഹുല് സാമ്പത്തിക ചൂഷണം നടത്തിയത്. ഫ്ലാറ്റ് വാങ്ങാന് ഉള്പ്പെടെ യുവതിയോട് പണം ചോദിച്ചു.
പല വിലപിടിപ്പുള്ള സമ്മാനങ്ങളും ആവശ്യപ്പെട്ടു. പലതും യുവതി വാങ്ങി നല്കി. ഇതിന്റെ ഉള്പ്പെടെ തെളിവുകള് അന്വേഷണസംഘത്തിന് ലഭിച്ചെന്നാണ് വിവരം. അതേസമയം കസ്റ്റഡിയിലെടുത്ത എംഎല്എയെ പത്തനംതിട്ട എആര് ക്യാമ്പിലേക്കാണ് എത്തിച്ചത്.
