അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പാലാ സീറ്റ് ആർക്കും വിട്ടുകൊടുക്കില്ലെന്ന് മാണി സി കാപ്പന് എംഎല്എ. വേണമെങ്കില് കേരള കോണ്ഗ്രസ് എം ചെയര്മാന് ജോസ് കെ മാണി തിരുവമ്പാടിയില് മത്സരിക്കട്ടേയെന്നും മാണി സി കാപ്പന് പറഞ്ഞു. തിരുവമ്പാടിയില് മാണി സി കാപ്പനെ മത്സരിപ്പിക്കാനായിരുന്നു യുഡിഎഫിന്റെ തീരുമാനം.
ഇതുപ്രകാരം മുസ്ലിം ലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടിയുടെ മലപ്പുറത്തെ വീട്ടില് വെച്ച് യോഗം ചേര്ന്നിരുന്നു. സഭാ പ്രതിനിധികളും കൂടിക്കാഴ്ചയില് ഉണ്ടായിരുന്നു. എന്നാല് താന് പാലാ വിട്ടുപോകില്ലെന്ന നിലപാടില് മാണി സി കാപ്പന് ഉറച്ച് നില്ക്കുകയായിരുന്നു.
