അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇടുക്കി ചിന്നക്കനാലില് നിയമം ലംഘിച്ച് ഭൂമി വാങ്ങിയെന്ന കേസില് മാത്യു കുഴല്നാടന് എംഎല്എയുടെ മൊഴി വിജിലൻസ് രേഖപ്പെടുത്തി. വിജിലന്സിന്റെ പൂജപ്പുര എസ്ഐയു 1 യൂണിറ്റാണ് മൊഴി നല്കിയത്. വിജിലന്സ് ആസ്ഥാനത്തേക്ക് വിളിച്ചുവരുത്തിയായിരുന്നു മൊഴിയെടുപ്പ്. സ്ഥലം വാങ്ങിയതില് നിയമവിരുദ്ധമായി ഒന്നുമില്ലെന്ന് എംഎല്എ മൊഴി നല്കി. പോക്കുവരവ് ചെയ്യും മുന്പ് മിച്ചഭൂമി കേസ് ഉണ്ടായിരുന്നോയെന്ന് അറിയില്ലെന്നും അദ്ദേഹം മൊഴി നല്കി. റവന്യൂ രേഖ പരിശോധിച്ചാണ് 2021ല് ഭൂമി വാങ്ങിയത്. ഭൂമി വാങ്ങുമ്പോള് കേസ് ഉണ്ടായിരുന്നില്ല. ആധാരത്തിന് വില കുറച്ച് കാണിച്ചിട്ടില്ലെന്ന് അദ്ദേഹം മൊഴി നല്കി. ഭൂമി കയ്യേറിയെന്ന ആരോപണവും മാത്യു കുഴല്നാടന് നിഷേധിച്ചു. ചിന്നക്കനാലില് 50 സെന്റ് അധിക ഭൂമി കൈവശം വെച്ചതാണ് മാത്യു കുഴല്നാടന് എതിരായ കേസ്.
