അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബെംഗളൂരു: ബെംഗളൂരുവിൽ ജിം പരിശീലകൻ ജീവനൊടുക്കി. 26 കാരനായ കിരൺ ആണ് ആത്മഹത്യ ചെയ്തത്. മറ്റൊരാളുമായി വിവാഹം ഉറപ്പിച്ചതായി കാമുകി അറിയിച്ചതിനെ തുടർന്നാണ് ഇയാൾ ജീവനൊടുക്കിയത്.
കഴിഞ്ഞ മൂന്ന് വർഷമായി യുവതിയുമായി അടുപ്പത്തിലായിരുന്നു. എന്നാൽ, ശനിയാഴ്ച, കാമുകിയെ കണ്ടപ്പോൾ, മറ്റൊരു യുവാവുമായി തന്റെ വിവാഹം നിശ്ചയിച്ചെന്ന് അറിയിച്ചു. ഇതോടെ കിരൺ മഹാലക്ഷ്മി ലേഔട്ട് വീട്ടിലേക്ക് മടങ്ങി മുറിയിൽ കയറി ജീവനൊടുക്കി.
മുറിയിൽ നിന്ന് പുറത്തുവരാതിരുന്നപ്പോൾ കുടുംബാംഗങ്ങൾ വാതിൽ പൊളിച്ച് അകത്തു കയറിയപ്പോഴാണ് മരിച്ച നിലയിൽ കണ്ടെത്തിയത്. കിരണിന്റെ മൃതദേഹം പോസ്റ്റ്മോർട്ടത്തിനായി അയച്ചു. കിരണിന്റെ മുറിയിൽ നിന്ന് കുറിപ്പ് കണ്ടെടുത്തു.
