അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ലഹരിമരുന്ന് വാങ്ങാൻ പണം നൽകാത്തതിനെത്തുടർന്ന് അമ്മൂമ്മയെ ഡംബൽ കൊണ്ട് തലയ്ക്കടിച്ചു കൊലപ്പെടുത്തിയ കേസിൽ ചെറുമകന് ഒൻപത് വർഷം കഠിനതടവും പിഴയും ശിക്ഷ വിധിച്ചു. അരൂർ ആറാം വാർഡ് അക്ഷയ് നിവാസിൽ അനന്തുവിനെയാണ് (26) ആലപ്പുഴ അഡീഷണൽ സെഷൻസ് കോടതി (ഒന്ന്) ശിക്ഷിച്ചത്. കുടുംബബന്ധങ്ങളെ തകർക്കുന്ന ലഹരിയുടെ ഭീകരത വ്യക്തമാക്കുന്നതായിരുന്നു കോടതിയുടെ ഈ ഉത്തരവ്.
2019 ജൂൺ ഒൻപതിനാണ് നാടിനെ നടുക്കിയ ഈ സംഭവം നടന്നത്. പട്ടണക്കാട് പുതിയകാവ് സ്വദേശിനിയായ ശാന്ത (72) ആണ് കൊല്ലപ്പെട്ടത്. ശാന്തയുടെ മൂത്ത മകൾ ഷീലയുടെ മകനായ അനന്തു മയക്കുമരുന്നിന് അടിമയായിരുന്നു. സംഭവദിവസം രാത്രി ലഹരി ഉപയോഗത്തിനായി ഇയാൾ അമ്മൂമ്മയോട് പണം ആവശ്യപ്പെട്ടു. എന്നാൽ പണം നൽകാൻ ശാന്ത വിസമ്മതിച്ചതോടെ പ്രകോപിതനായ അനന്തു, വീട്ടിലുണ്ടായിരുന്ന വ്യായാമത്തിന് ഉപയോഗിക്കുന്ന ഡംബൽ എടുത്ത് ശാന്തയുടെ തലയ്ക്ക് അടിക്കുകയായിരുന്നു. മാരകമായി പരിക്കേറ്റ ശാന്ത സംഭവസ്ഥലത്ത് വെച്ച് തന്നെ മരണപ്പെട്ടു.
കൃത്യത്തിന് ശേഷം പ്രതി പട്ടണക്കാട് പോലീസ് സ്റ്റേഷനിൽ നേരിട്ടെത്തി കീഴടങ്ങുകയായിരുന്നു.
