അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പശ്ചിമേഷ്യയിൽ ഇസ്രയേൽ – ഇറാൻ സംഘർഷം അതിരൂക്ഷമാകുന്ന സാഹചര്യത്തിൽ, അവിടെയുള്ള ഇന്ത്യക്കാരുടെ സുരക്ഷ ഉറപ്പാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിക്ക് കത്തയച്ചു. യുദ്ധസമാനമായ സാഹചര്യം നിലനിൽക്കുന്ന മേഖലകളിൽ കുടുങ്ങിക്കിടക്കുന്ന പ്രവാസികളെ എത്രയും വേഗം സുരക്ഷിതമായി നാട്ടിലെത്തിക്കാൻ കേന്ദ്ര സർക്കാർ അടിയന്തര നടപടി സ്വീകരിക്കണമെന്ന് മുഖ്യമന്ത്രി കത്തിൽ ആവശ്യപ്പെട്ടു.
സംഘർഷം വ്യാപിക്കുന്ന പശ്ചാത്തലത്തിൽ ഗൾഫ് രാജ്യങ്ങളിലുൾപ്പെടെയുള്ള ലക്ഷക്കണക്കിന് മലയാളികളുടെ സുരക്ഷയിൽ വലിയ ആശങ്കയുണ്ടെന്ന് മുഖ്യമന്ത്രി ചൂണ്ടിക്കാട്ടി. പ്രവാസികളെ തിരിച്ചെത്തിക്കുന്നതുൾപ്പെടെയുള്ള ഏത് ദൗത്യത്തിലും കേന്ദ്രത്തിന് ആവശ്യമായ എല്ലാ സഹായങ്ങളും കേരളം വാഗ്ദാനം ചെയ്തിട്ടുണ്ട്. നിലവിലെ സാഹചര്യത്തിൽ വിദേശകാര്യ മന്ത്രാലയം നേരിട്ട് ഇടപെട്ട് സുരക്ഷാ ക്രമീകരണങ്ങൾ ഏകോപിപ്പിക്കണമെന്നും മുഖ്യമന്ത്രി കത്തിൽ അഭ്യർത്ഥിച്ചു.
