അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഓട്സ് പലരും പലരീതിയിൽ തയാറാക്കി കഴിച്ചിട്ടുണ്ടാകും. എന്നാൽ, ബ്രേക്ഫാസ്റ്റിന് ഓട്സ് കൊണ്ട് ദോശ ചുട്ടു നോക്കിയാലോ? അടിപൊളി ഓട്സ് ദോശ എളുപ്പത്തിൽ തയാറാക്കുന്നത് എങ്ങനെയെന്ന് നോക്കാം.
ചേരുവകൾ:
ഓട്സ് – 1 കപ്പ്
റവ – അര കപ്പ്
അരിപ്പൊടി – അര കപ്പ്
തൈര് – കാൽ കപ്പ്
കുരുമുളക് പൊടി- 1 ടീസ്പൂണ്
ആവശ്യത്തിന് ഉപ്പ്
ആവശ്യത്തിന് എണ്ണ
തയാറാക്കുന്ന വിധം:
എണ്ണയൊഴികെ എല്ലാ ചേരുവകളും പാകത്തിന് വെള്ളമൊഴിച്ചു നല്ലതുപോലെ മിക്സ് ചെയ്ത് പതിനഞ്ച് മിനിറ്റ് മാറ്റിവയ്ക്കണം. ഇങ്ങനെ വയ്ക്കുമ്പോൾ ഓട്സ് കുതിര്ന്നു മയമുള്ളതാകും. തുടർന്ന് പാന് ചൂടാക്കുക. തയ്യാറക്കി വെച്ച ഓട്സ് മാവ് എടുത്ത് പാനില് ഒഴിച്ചു പരത്തുക. വശങ്ങളില് അല്പം എണ്ണ തൂവാം. ഒരു വശം വെന്തുകഴിയുമ്പോള് മറുവശം മറിച്ചിടണം. ഇരുഭാഗവും നല്ലപോലെ വെന്തു കഴിഞ്ഞാല് സാധാരണ ദോശക്കൊപ്പമെന്ന പോലെ ചട്നി കൂട്ടി ചൂടോടെ കഴിക്കാം.
