അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഗതാഗതമന്ത്രി കെബി ഗണേഷ് കുമാറിനെതിരെ പരാതി. മഹാത്മാ ഗാന്ധിയെ അപമാനിച്ചു, ഗാന്ധിയെ പൊതുജനങ്ങൾക്കിടയിൽ വെറുപ്പുളവാക്കുന്ന രീതിയിൽ ചിത്രീകരിച്ചു എന്നതാണ് പരാതി.
കെപിസിസി ജനറൽ സെക്രട്ടറി കെ ഷാജിർ അറാഫത്ത് ആണ് പരാതി നൽകിയത്. കോഴിക്കോട് ജില്ലാ പൊലീസ് മേധാവിക്കാണ് ഷാജിർ അറാഫത്ത് പരാതി നൽകിയത്.
ഭാര്യ ബിന്ദു മേനോൻ ഉന്നയിച്ച ആരോപണങ്ങൾക്ക് മറുപടി നൽകുമ്പോഴായിരുന്നു ഗണേഷ് കുമാർ ഗാന്ധിയെ പരാമർശിച്ചത്. തനിക്ക് ഒന്നല്ല, അയ്യായിരം പ്രണയമുണ്ട് എന്നും ഗാന്ധിക്കും നെഹ്റുവിനും വരെ പ്രണയങ്ങൾ ഉണ്ടായിരുന്നില്ലേ എന്നുമായിരുന്നു ഗണേഷ് കുമാറിന്റെ പരാമർശം.
ഇതിന് എതിരെയാണ് കോൺഗ്രസ് നേതാവ് പരാതി നൽകിയിരിക്കുന്നത്. പൊലീസിന്റെ 112 എന്ന നമ്പറിലേക്ക് വിളിക്കുന്ന സ്ത്രീകൾ എല്ലാം വട്ടുള്ളവരാണ് എന്ന പരാമർശത്തിനെതിരെയും പരാതി നൽകിയിട്ടുണ്ട്. കോഴിക്കോട് ജില്ലാ പൊലീസ് മേധാവി പരാതി കൊല്ലം ജില്ലാ പൊലീസ് മേധാവിക്ക് കൈമാറി.
