അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ദോശ പല തരത്തിലുണ്ട്. പ്ലെയിൻ ദോശ വളരെ ലളിതവും എല്ലാവർക്കും പ്രിയപ്പെട്ടതുമാണ്. ഇനി ഈ എരിവുള്ള ദോശ പരീക്ഷിച്ചു നോക്കൂ. ഇത് കഴിക്കാൻ ചട്ണിയോ സാമ്പാറോ ഒന്നും ആവശ്യമില്ല.
ചേരുവകൾ
ദോശ മാവ്
കറിവേപ്പില
എണ്ണ
കടുക്
നിലക്കടല
ഉള്ളി
മുളക്
ഉപ്പ്
മഞ്ഞൾപ്പൊടി
ചതച്ച തേങ്ങ
തയ്യാറാക്കുന്ന വിധം
അടി കട്ടിയുള്ള ഒരു പാനിൽ എണ്ണ ഒഴിച്ചു ചൂടാക്കാം. ശേഷം കടുക് ചേർത്ത് പൊട്ടിക്കാം. അതിലേയ്ക്ക് കടല പരിപ്പ് ചേർത്തു വറുക്കാം. ശേഷം ചുവന്നുള്ളി ചെറുതായി അരിഞ്ഞതു ചേർത്തു വഴറ്റാം. അതിൻ്റെ നിറം മാറി വരുമ്പോൾ പച്ചമുളക് ചേർക്കാം. ഒപ്പം കറിവേപ്പിലയും, ചിരകിയ തേങ്ങയും ചേർത്തു വേവിക്കാം. ഇവ വെന്തു വരുമ്പോൾ ആവശ്യത്തിന് ഉപ്പ്, മഞ്ഞൾപ്പൊടി എന്നി ചേർത്തിളക്കി യോജിപ്പിക്കാം. വേവിച്ചെടുത്ത ഈ അരപ്പ് ദോശ മാവിലേയ്ക്കു ചേർത്തിളക്കി യോജിപ്പിക്കാം. ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് മാവ്ഒഴിക്കാം. ഒരു വശം വെന്തു വരുമ്പോൾ അൽപം നെയ്യ് മുകളിലേയ്ക്ക് ഒഴിക്കാം. ശേഷം ഇരുവശവും ചുട്ടെടുക്കാം. ഇത് ചൂടോടെ കഴിച്ചു നോക്കൂ.
