അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചെന്നൈ അണ്ണാ സർവകലാശാലയിൽ വിദ്യാർത്ഥിയെ ലൈംഗികമായി പീഡനത്തിനിരയാക്കിയതിന് അധ്യാപകനെ പോലീസ് അറസ്റ്റ് ചെയ്തു. സർവ്വകലാശാലയിലെ അവസാന വർഷ എൻജിനീയറിങ് വിദ്യാർഥിനിയാണ് അധ്യാപകൻ ജ്ഞാനവേലിനെതിരെ പരാതി നൽകിയത്.
കഴിഞ്ഞ മൂന്ന് വർഷമായി അധ്യാപകൻ ലൈംഗിക ഉപദ്രവം തുടർന്നെന്നും പഠന വിഷയങ്ങളിൽ സംശയം ചോദിച്ചാൽ കിടപ്പുമുറിയിലേക്ക് വരാൻ ആവശ്യപ്പെടുമെന്നും വിദ്യാർത്ഥി പരാതിയിൽ പറയുന്നു. അതോടൊപ്പം രാത്രിയിൽ വിളിച്ച് ശല്യം ചെയ്യുമെന്നും ബ്ലോക്ക് ചെയ്താലും സുഹൃത്തുക്കളെ വിളിച്ച് അന്വേഷിക്കും എന്നും പരാതിയിൽ പറയുന്നു.
അധ്യാപകന്റെ അറസ്റ്റിന് പിന്നാലെ ഭയം മൂലം പുറത്തു പറയാതിരുന്ന നാലു വിദ്യാർത്ഥിനികൾ കൂടി പരാതിയുമായി രംഗത്തെത്തി.
അധ്യാപകനെതിരെ വകുപ്പുതല നടപടിയെടുക്കണമെന്നും അറസ്റ്റ് ചെയ്യണമെന്നും ആവശ്യപ്പെട്ട് വിദ്യാർത്ഥികൾ സർവകലാശാലയ്ക്ക് മുന്നിൽ ഇന്നലെ പ്രതിഷേധിച്ചു. തുടർന്ന് അധ്യാപകനെ അറസ്റ്റ് ചെയ്യുകയായിരുന്നു.
